影片
更多
2007-12-13
60 浏览
(都过左成个几月先完成篇食评，俾著平时我真系冇咁神心。但因为今次实在好满足、所以真系要帮呢间野打打气。)哈佬喂亚妈生日、决定成家人出去食餐饭。亚妈之前同朋友黎过呢间舖头，而且超罕有地赞呢间野(因为我亚妈煮送好叻)；所以问佢拎资料，谂同佢返啅一次。(顺便自己都试下啦~)间野计人头，好似最少要四人(今次我地七个人去)，位位百几。冇菜牌，大厨话事煮咩就食咩~ (仲好、唔使谂)果晚去到得ＶＩＰ房有人，成个厅得我地一台。正！如果有得拣，我建议都系唔好坐房，因为一来个厅真系好阔落，而且o的台o既编排绝对唔逼；台同台之间o既空间真系跳舞都仲得~ 另外一个原因就系个厅真系装修得好~~~~~靓！个感觉好舒服。我地一部份人七点半左右上到去；未够钟开席，坐低饮啖茶休息下。佢o的茶好得意，系玄米茶，味道冇乜唔同，但闻落去就好香~~周围又阴o的阴o的咁有o的音乐，虽然o岩o岩放工，但个人都好快放松晒~厨房系八点开始上菜；果日我地有早有迟，差唔多成八点半先黎齐人；因为我地齐人先上菜，所以开头几道菜可以话系同时上o既。睇黎上菜等人但厨房唔等人，所以大家要注意下o勒。饮品：《斋啤酒》叫o左几支斋啤酒，其实系麦汁。有汽
哈佬喂亚妈生日、决定成家人出去食餐饭。亚妈之前同朋友黎过呢间舖头，而且超罕有地赞呢间野(因为我亚妈煮送好叻)；所以问佢拎资料，谂同佢返啅一次。(顺便自己都试下啦~)
间野计人头，好似最少要四人(今次我地七个人去)，位位百几。冇菜牌，大厨话事煮咩就食咩~ (仲好、唔使谂)
果晚去到得ＶＩＰ房有人，成个厅得我地一台。正！
如果有得拣，我建议都系唔好坐房，因为一来个厅真系好阔落，而且o的台o既编排绝对唔逼；台同台之间o既空间真系跳舞都仲得~ 另外一个原因就系个厅真系装修得好~~~~~靓！个感觉好舒服。
我地一部份人七点半左右上到去；未够钟开席，坐低饮啖茶休息下。佢o的茶好得意，系玄米茶，味道冇乜唔同，但闻落去就好香~~
周围又阴o的阴o的咁有o的音乐，虽然o岩o岩放工，但个人都好快放松晒~
厨房系八点开始上菜；果日我地有早有迟，差唔多成八点半先黎齐人；因为我地齐人先上菜，所以开头几道菜可以话系同时上o既。睇黎上菜等人但厨房唔等人，所以大家要注意下o勒。
饮品：《斋啤酒》
叫o左几支斋啤酒，其实系麦汁。
有汽o既，甜甜o地，反而似汽水~
几好饮架、但少少贵...
第一道：《斋卤味》
其实系海带加黄豆，唔系出面斋舖o个种斋卤味。
冷盘、甜甜o地几开胃~
第二道菜：《杂果沙律+ 金菇沙律》
都系冷盘。
杂果沙律o既生果系新鲜同爽o既！(虽然本人唔系咁水果做o既沙律...)
金菇沙律冇乜印象... orz
第三道：《椰菜花浓汤》
卖相好好！虽然叫浓汤，味道都算系清清淡淡o既~
份量真系好多... 个汤饮到完场都未饮得晒... (我o地有八个人架)
第四道：《酸甜肉排》
口感好正~ o的汁都系！
虽然系素肉，但个口感真系好似肉。
而且，虽然唔系肉味，但都唔会有o个o的好假o既斋味~
上冇耐就俾人抢晒~
第五道：《章鱼丸子》
又系一款推介o既诚意之作！
材料其实系用糯米做成八爪鱼丸咁o既样~
个皮脆脆、个饀烟靭，再加上外面有少少Wasabi酱汁用紫菜丝........
成个配搭确实系天食无缝！！！
唯一缺点系一人一粒唔够喉...
第六道：《黄金焗西兰花》
西兰花一向都系我o既至爱，所以呢味送o既「西兰花」方面我毫无问题~
个「黄金」方面系用南瓜+香蕉...
味道系好o既、但用香蕉做送本人始终唔系未接受到...
呢味都系好大碟，又系食都完场都食唔晒~
第七道：《炸蜜瓜牛奶》
食到呢个时间，其实在场所有人o既容量都差唔多到o左极限...
但呢一味甜点真系出乎意料咁吸引~
大家都好乐意咁食o左几件~
细细件唔会太漏、又有蜜瓜味好清新。
第八道：《泰式咖哩+ 黄姜饭》
仲有... 系咪吓亲大家？
所有人都已经食到反晒肚架啦... 所以你话系咪抵食先？
呢道菜冇太大印象啰~ 味道唔会差的。
依稀记得个咖哩比较稀；不过泰式咖哩系咁。
第九道：《寿包+ 黑糯米糖水》
真系九大簋呀~
最后一味甜品，因为阿妈生日，所以送寿包俾我o地~
个寿包梗好味啦，个糖水都好味。
可惜大家已经饱到上鼻哥窿，唔好意思都无法，始终食唔晒有o的o徙。
第十道：《私人带去o既蛋糕》
乐意为你饼费，而且唔收费~
仲送埋蜡烛俾我o地添~
打字打到手软，不过都值得~
我见呢间店一个食评都未有，实在有o的可惜。
因为以我呢次经验，呢间店实在可以上到去Top几的。
平、靓、正、服务好、环境好、衞生好。
讲真，呢间真系我咁大个人去过最好o既餐厅；就算系食斋我都觉得好过好多出名o既舖头。
假如你有缘见到我呢个食评，真系快去订台试试。
张贴