台軒 (麗豪酒店)

营业中

休息中

呢间台轩前身系手信店，即系卖下电话卡呀，“名表” 果只啦，手信店执左后都空置左好耐，终于开间食肆造福下街坊。始终店舖面积大细，坐得比较迫，都冇计啦，唔同附近嘅月光光坐得咁舒服。讲大家最关心嘅嘢食啦，其实几好食，份量又好大份，我同老婆一人一个面 (牛肉面同肉燥旦面，仲有前菜送)，惊唔够再加个小食(花枝饼)，但食碗面都饱得不得了，差啲食唔落个小食。掉转你试下去附近差唔多时间开张嘅台湾菜食？价钱贵一截，又难食，仲分分钟要去麦记再食先够饱。但反而果间门庭若市㖞。不过我想讲呢，咁大间酒店竟然一坐低同人讲唔供应水，要加十五蚊买台式饮品，真系非常小家，呢间酒店咁多间食肆系得呢一间系咁。可能真系坐位太少佢想人消费多啲，但咁做比人嘅观感实在太差了。