集眾菜館

营业中

休息中

今晚一路食一路有人Walk In一路都食闭门羹我心里暗暗觉得好彩预先Book了位。点了5样野5样都好食，咁好食唔怪得想食一定要订位啦。最好食要算是咕噜肉，基本上睇Openrice同埋现场差不多枱枱都叫就知道系好东西。侍应话系用新鲜猪肉整嘅，而且做到淋埋汁都外软脆内软，仲有就系D菠萝都系新鲜菠萝而唔系罐头菠萝，果然出色。笼仔甜梅菜蒸菜芯又系好好食，甜梅菜同菜芯嘅味道非常夹，清新得黎味道亦有层次感，值得推荐。川椒猪手系冷盘，少少辣好开胃，猪手的肉质亦唔错。铁板鸡什好惹味，上枱啫啫声兼香气扑鼻，鸡什固然好食，但系佢连D配菜都好正真系问你死未﹗金薯安格斯牛柳粒系侍应姐姐介绍嘅，我想讲D金薯(其实即系炸过嘅薯仔粒)好好食，好食过D安格斯牛柳粒。