新花清湯腩餃子專門店

营业中

休息中

YouTube有個肥仔，專介紹香港非網紅推介餐廳，前幾日跟佢推介食雲吞麵，非常對辨，今日再跟佢食牛腩。講真，如果唔係推介，經過一百次都唔會入去，唔係普通嘅潮州粉麵舖，外觀似餐廳多D。入到去舖仔細細六張枱，搭枱就無可避免，除咗牛腩外，有好多選擇，煎餃、雞，墨魚餅、牛脷⋯⋯今日只係叫咗一碗牛腩米，冇叫特別位置。三件肥三件瘦加一件蘿蔔，湯比較淡口，不過牛腩就不得了，有咬口嘅，肥瘦都好好食，蘿蔔清甜唔會太腍，辣椒醬都有三款，試咗兩款，辣椒油正常，麻辣都OK，呢間實有下次👍🏼👍🏼是日消費：清湯牛腩米+凍檸茶(套餐) 共 $52