天機棧扒房 (已結業)

每星期都会黎旺角一次，行完街揾地方食晚饭，发现有惊喜，呢个楼上餐厅，竟然有咁抵食$188又有鹅肝/生蚝/虾，再加牛扒嘅晩餐，仲要有质素，实在难以相信～我同妈咪各自叫左$188呢个晚餐，超多野食～首先有餐包同龙虾汤。之后叫左个沙律同田螺做前菜。沙律新鲜爽口，田螺薯蓉好味。鹅肝外脆内软，煑得啱啱好。之后仲有个虾，大大只。 主菜仲有炭烧西冷牛扒，煑得软硬适中锁住肉汁。另外，石斑鱼柳南瓜意大利饭，大份，差d饭唔哂。仲未完，最后仲有甜品。咁嘅价钱真系物超所值。