影片
更多
2009-11-20
18 浏览
喺铜锣行街行到八点几，又攰又饿，想即刻揾位坐低食饭，但系度度又排长龙，只有呢度仲有大把位，都知唔慌好嘢，但见佢够胆大大只字写话自己系牛扒专家，又卖成80几蚊一个扒，谂住衰极都应该有个谱。当然我唔会咁无知将佢同Outback比，只系一心谂住佢会好过大快活个纽西兰牛扒餐姐，要求都好低吓啦，点知....我点咗个79蚊ge西冷铁板餐6成熟，我老公就要咗个猪扒铁板餐，都系70几蚊。餐汤我要咗罗宋汤，好大碗，但系系无味ge，好似饮水咁，好明显系沟水再沟水之作，连丁点牛肉残渣都揾唔到。面包我无食，但唔慌好得去边。扒系铁板上，但唔明点解佢要用一块细过块扒ge铁板嚟装块扒，切ge时候搞到好"Le Hae"，可能咁样会显得佢块扒大D。同埋佢系上枱时喺你面前即淋汁，但系只有一块tempo咁大ge餐巾纸provide 俾你，遮得面嚟遮唔到衫，简直系有心整估。讲返块主角－牛扒。一切落去，知"頼"嘢啦，明显系有用松肉粉腌过，咁就知好食极有限。可能初初几嗒因为肚饿关系所以都觉得无咩点，当自己喺大快活啦，点知越食越唔对路，块扒越嚟越淋，到最后咩胃口都无晒，我就攞扒嚟玩，用只义系咁"颜"剩低落嚟𠮶1/3块扒，竟然俾我不
我点咗个79蚊ge西冷铁板餐6成熟，我老公就要咗个猪扒铁板餐，都系70几蚊。餐汤我要咗罗宋汤，好大碗，但系系无味ge，好似饮水咁，好明显系沟水再沟水之作，连丁点牛肉残渣都揾唔到。面包我无食，但唔慌好得去边。
扒系铁板上，但唔明点解佢要用一块细过块扒ge铁板嚟装块扒，切ge时候搞到好"Le Hae"，可能咁样会显得佢块扒大D。同埋佢系上枱时喺你面前即淋汁，但系只有一块tempo咁大ge餐巾纸provide 俾你，遮得面嚟遮唔到衫，简直系有心整估。
讲返块主角－牛扒。一切落去，知"頼"嘢啦，明显系有用松肉粉腌过，咁就知好食极有限。可能初初几嗒因为肚饿关系所以都觉得无咩点，当自己喺大快活啦，点知越食越唔对路，块扒越嚟越淋，到最后咩胃口都无晒，我就攞扒嚟玩，用只义系咁"颜"剩低落嚟𠮶1/3块扒，竟然俾我不费吹灰之力就将佢"颜"成一堆肉酱啦, 哈哈哈....
其实佢驶咩搞咁多嘢，又俾把扒刀你，又问你要几成熟，其实都系D门面嘢，完全系㓥牛不需牛刀，6成熟揾滴血水睇吓都无（但系我谂如果唔系全熟我都唔敢食）。
埋单盛惠$170，我仲要拎套衫去干洗。一句讲晒，我宁愿去返大快活食纽西兰牛扒。
张贴