影片
更多
2010-05-18
112 浏览
跟朋友悠悠散步至跑马地…对哩一带吾多熟识…要晚饭, 去边间就靠心血来潮吧!...行到挂著小小日式档布o既门前, 就凭直觉帮手选定了<烧鸟亭>…反正真系好一阵子冇食过串串烧物…小小密集o既一间馆子…陈设就令人感受到一股日式风情, 服务生都穿著日式制服…深啡木制小台椅, 微暗o既灯光, 夹杂酒客小小o既嘻笑声…两位师傅向角落o既烤炉上忙著炮制客人o既订单…我地就被安排坐向围著对住烧炉o既bar台, 可以望著师傅表演, 做好o既食物就直接递到面前!!...面前仲放著细细鱼缸, 望住几条小金鱼游来游去, 好可爱咁!!气氛好…食物都好似会滋味D咁…嘻嘻…每台例牌先送上的系一客鲜菜沙律($20)…有新鲜西芹、白萝卜、红甘荀+椰菜…配些少甜酱, 十分清甜爽口!!...好好的一道前菜!!餐牌有好多选择啊…两个人, 不知不觉都先后点左七、八样…order串烧要以两串起(注:餐牌上列o既系单价)!!蟹籽沙律($48) – 好大的一客, 以心叶形玻璃碟上…虽然冇乜”师傅”可言, 但都令人食指大动…鸡泡鱼干($65) – 甜甜地烟烟韧, 涂些少沙律酱, 系下啤酒o既一道可口小食!!...喜欢啊
小小密集o既一间馆子…陈设就令人感受到一股日式风情, 服务生都穿著日式制服…深啡木制小台椅, 微暗o既灯光, 夹杂酒客小小o既嘻笑声…两位师傅向角落o既烤炉上忙著炮制客人o既订单…我地就被安排坐向围著对住烧炉o既bar台, 可以望著师傅表演, 做好o既食物就直接递到面前!!...面前仲放著细细鱼缸, 望住几条小金鱼游来游去, 好可爱咁!!
气氛好…食物都好似会滋味D咁…嘻嘻…每台例牌先送上的系一客鲜菜沙律($20)…有新鲜西芹、白萝卜、红甘荀+椰菜…配些少甜酱, 十分清甜爽口!!...好好的一道前菜!!
餐牌有好多选择啊…两个人, 不知不觉都先后点左七、八样…order串烧要以两串起(注:餐牌上列o既系单价)!!
蟹籽沙律($48) – 好大的一客, 以心叶形玻璃碟上…虽然冇乜”师傅”可言, 但都令人食指大动…
鸡泡鱼干($65) – 甜甜地烟烟韧, 涂些少沙律酱, 系下啤酒o既一道可口小食!!...喜欢啊!!
鲜菇酿鸡肉($40两串) – 鲜菇够香甜, 免治鸡肉汁多又嫩…吾会”鞋”或糊口!! 好味啊!
烧牛舌($58两串) – 本身好喜欢食烧牛吞的, 只因佢落黑椒调味, 个人吾多喜欢黑椒味, 朋友郤嫌少呢!!
烧鹅肝($90) – 贵o罗!!...细过掌心o既一块…但真系入口即溶, o都一声吾见左, 肥美到好似食白色肥猪糕咁…一件两人份系刚好, 太多会腻, 真怕负荷吾黎…指o既系钱包同心脏…哈哈!!
日本黑豚肉($60两串)...优质猪固然肉够实又香, 肥瘦适中, 每小件隔著数片红葱一齐烧, 红葱好甜, 更生色不少!
芝士酿鸡翼($56两串)…见到佢烧到金黄卜卜胀就开心, 好吸引!!...比较花功夫, 要将鸡翼o既肉拆出砌碎加入甜甜o既青、红椒粒, 芝士再酿回鸡翼壳里面, 好满足啊!!
日本甜蕃薯…最尾来个当甜品…真系非常甜!!...唯独可惜系朋友的那一串, 有一个原来啖落有酸味, 可能不察觉变坏了!!...同服务生讲, 佢地即表示歉意此项不收费!!...
虽然结尾有这个少少o既瑕疵…但我俩都觉可体谅接受…毋损印象!!...
还有一小小地方令我对佢地多一份好感…就系卫生间用上漂亮柔软o既印花厕纸!!...真系去5星级酒店都冇呢!!
有时就系误打误撞遇上好的…额外兴奋!!
张贴
