影片
更多
2018-02-13
1163 浏览
行完飞鹅山，落到彩虹，有啲口痕想食日本野，就睇下附近有冇好食嘅日本菜，揾咗一轮都无乜边间系岩心水，就决定扩大范围，最后见到呢间向黄大仙嘅和气食堂，好似唔错又唔算太贵，就决定试下～北海道芝士炸薯条本身以为呢款薯条应该同麦记嘅薯条差唔多，所以无乜特别期望，谂住当系个Promotion Set附送嘅Bonus小食。点知佢食落几令人印象深刻，就算摊冻咗一阵都仍然薯味十足，好似甜薯一样甜甜地。北海道芝士粉好平均咁洒满向每一条薯条嘅表面，带淡淡嘅芝味，香得嚟唔会霸道，食再多都唔觉口干，正～虽然味道唔错，不过如果要我食返原价38蚊，我就会嫌贵。电击鸡翼电击鸡翼，呢个名我谂咗好耐，就算食完之后，都谂唔到鸡翼同电击有咩关系⋯细心啲睇就会发现，佢每「只」鸡翼，其实都系一只完整嘅鸡翼嘅一半。一摆落口𠮶刻，真系好惊喜，因为佢系冻架！然后味道就系甜甜地，唔知仲以为自己食紧甜品，的确几特别同开胃。蒜蓉/芝士烧日本广岛蚝 HKD88/4只每次去到一间餐厅，如果见到menu上有蚝嘅话，都总会叫返款嚟试下，今次我地点咗芝士同蒜蓉烧蚝。芝士个款虽不及日木宫岛嘅咁芝味，不过胜在唔腻，连埋中型size嘅蚝肉食，作为小食系唔错
北海道芝士炸薯条
本身以为呢款薯条应该同麦记嘅薯条差唔多，所以无乜特别期望，谂住当系个Promotion Set附送嘅Bonus小食。点知佢食落几令人印象深刻，就算摊冻咗一阵都仍然薯味十足，好似甜薯一样甜甜地。北海道芝士粉好平均咁洒满向每一条薯条嘅表面，带淡淡嘅芝味，香得嚟唔会霸道，食再多都唔觉口干，正～虽然味道唔错，不过如果要我食返原价38蚊，我就会嫌贵。
北海道芝士炸薯条
53 浏览
0 赞好
0 留言
电击鸡翼
电击鸡翼，呢个名我谂咗好耐，就算食完之后，都谂唔到鸡翼同电击有咩关系⋯细心啲睇就会发现，佢每「只」鸡翼，其实都系一只完整嘅鸡翼嘅一半。一摆落口𠮶刻，真系好惊喜，因为佢系冻架！然后味道就系甜甜地，唔知仲以为自己食紧甜品，的确几特别同开胃。
电击鸡翼
35 浏览
0 赞好
0 留言
蒜蓉/芝士烧日本广岛蚝 HKD88/4只
每次去到一间餐厅，如果见到menu上有蚝嘅话，都总会叫返款嚟试下，今次我地点咗芝士同蒜蓉烧蚝。芝士个款虽不及日木宫岛嘅咁芝味，不过胜在唔腻，连埋中型size嘅蚝肉食，作为小食系唔错嘅选择。不过，蒜蓉个款就令我地有啲失望⋯食落肉质唔单只有啲老，仲干干地，而且只系得蒜味，无乜蚝味⋯
蒜蓉/芝士烧日本广岛蚝
$88
25 浏览
0 赞好
0 留言
芝麻鸡翼 HKD36/2只
芝麻鸡翼可以话系日式餐厅最常见嘅小食。而和气嘅芝麻鸡翼真心唔错，虽然佢size细少少，但肉嫩嘅程度绝对唔输蚀，唔痴骨又唔痴牙，食完都唔会一口油。如果口痕想食下肉嘅话，一定要试下。
芝麻鸡翼
$36
34 浏览
0 赞好
0 留言
芒果三文鱼加州卷 HKD58/3件
每次食寿司，「加州卷」都系我嘅必点之选～今次呢个同平时嘅有啲唔同，加多左油脂分布尚算均匀嘅三文鱼、香甜嘅芒果同蟹子。连埋青瓜、蟹柳、玉子，同微温既寿司饭一齐食，口感好过瘾～！
芒果三文鱼加州卷
$58
41 浏览
0 赞好
0 留言
虎虾刺身8只 HKD48、帆立贝 6切 HKD60、大甘虾刺身 4只 HKD48
经过我嘅婆仔计算，分散叫想食嘅刺身系划算过叫任何一款刺身拼盘架！先讲我最常点嘅帆立贝，坦白讲，以呢个价钱嚟讲，鲜甜味唔算出色，但都算啖啖肉。反而甜虾同虎虾就几滋味，唔单止厚肉感，仲唔会有种「死虾」嘅feel，好有咬口。最正嘅系，啲冰虽然摆咗成半个几钟，但都依然无乜点溶过，每件刺身食落都好似向雪柜啱啱拎出黎咁，冰冻感十足，真·抵赞！
自选刺身
19 浏览
0 赞好
0 留言
火炙芝士三文鱼腩 HKD30、火炙海胆帆立贝 HKD48、火炙海胆左口鱼边 HKD45
虽然话火炙可以令到件寿司更加惹味，但同时亦都因为高温，而将鱼生嘅脂肪逼咗出嚟，食落就会好似好油腻咁，所以我都系比较钟意原汁原味嘅鲜味鱼生～
火炙寿司
45 浏览
0 赞好
0 留言
盐味烧牛舌 HKD38
串烧嚟讲，我最钟意就系牛舌，几乎去到每一间餐厅，只要有牛舌，我都一定唔会放过。至于和气嘅盐烧牛舌，整体嚟讲都唔错，表面烧到焦香脆身，内层就好爽口，而且仲好有肉汁添～
盐味烧牛舌
$38
35 浏览
0 赞好
0 留言
一顿简简单单嘅晚餐，唔算话令人好惊喜，但大部分食物嘅味道都唔错，而且价钱合理，算系一间平民日式美食～
张贴
