和味

营业中

休息中

今日同朋友去尖沙咀行街，朋友喺外国返嚟，一直念念不忘香港嘅烧鹅，我哋就求其喺附近揾咗一间有烧鹅食嘅铺头。门口写到明系招牌嘅烧鹅，应该唔差，我哋就叫咗一个上庄 $138. 以呢个价钱来讲算系ok, 肉质都实嘅，有汁。可能我哋挂住影相同倾计个烧鹅放咗一阵先食冻咗少少，如果唔系嘅话个皮应该会更脆。上庄多肉得嚟够juicy. 见到皮都算薄。除咗烧味，依间餐厅仲有其他选择，好似系泰菜越菜等。我哋再叫多咗个咖喱软壳蟹锅，再加法式蒜蓉包。颜色鲜艳吸引原来成个锅仲会摆上炉上面加热软壳蟹嘅份量比想像中多，而且够大件。软壳蟹再加上咖喱非常惹味。蒜蓉法包有四件，点埋落咖哩汁度更好食。