黑木亭居酒屋 (清風街) (已結業)

之前见过杂志介绍，想来呢度好耐，今日终于嚟食。地方好细，但系坐得OK嘅。老板娘超级好人，见我哋小朋友需要换片，知道洗手间比较窄，俾咗个私人小小嘅位置我哋帮小朋友换，好贴心。一黎叫咗蕃茄沙律同埋支豆，因为小朋友已经好肚饿，呢两样系佢最钟意食嘅。然后我哋叫咗厚烧牛脷，清酒煮蚬，银雪鱼西京烧。厚烧牛脷笑得好香，同埋好弹牙，非常好味。清酒煮蚬我都非常钟意，啲汤好鲜甜，同埋入边有好多菇食。银雪鱼西京烧就细旧咗少少，但系味道系非常好，小朋友都好啱食。之后我哋嗌左烧白鳝，烧广岛号，免治鸡肉棒，堂杨墨鱼咀，烧鸡腿肉，烧粟米。首先烧粟米亦都系小朋友嘅至爱，所以叫咗两次。免治鸡肉棒原本系我食嘅，但系小朋友成条抢咗，最后我只系剩返𠮶碗生鸡蛋豉油，所以应该系好好味嘅。烧白鳝好Juicy，而烧广岛号亦都烧得恰到好处，值得一赞。堂杨墨鱼咀就唔算10分出色，我会比较喜欢炸鸡软骨个口感多啲。你结尾我哋叫咗明太子酱烧饭团，圆满结束。1家3口食到揽住个肚。食到中途发现原来佢嘅四大和牛菜式，只要叫两款，第二款就会有68折，都几吸引，下次会嚟再试。