壹級日本料理 (已結業)

住大围位老友约食饭梗系冇问题啦！佢话带我去冬菇亭壹级日本料理食正牛！心谂咁耐冇见整蛊我咩，点知又鬼死咁有惊喜㖞！先整件香口忌廉蟹肉薯饼28蚊有3件，外面好脆口入面又软绵绵，唔会好漏都几好味！ 小食过后我叫咗火炙安格斯牛肉饭 $98，有碗味噌汤送即刻加分㖞！火炙安格斯牛肉饭好鬼多牛肉，烧过的的牛肉熟度岩岩好，有入口即溶的感觉，肉味仲好够正到爆！老友果然好介绍！吱吱声忽然在耳边响起，原来系老友的铁板西冷扒＄88，偷一旧食肉地几淋肉味又重，仲有好多健康的萝卜仔同粟米，仲有烧汁同咖喱汁拣捞饭一流好鬼正啰！