尚八日式燒肉店 (已結業)

话说如果食过最好食嘅和牛，抑或系韩牛，你系唔会再食到普通嘅牛肉！系食唔落𠮶只，今日一行5人， 一齐去到位于荃湾嘅尚八日式烧肉店！呢度出名靓和牛，咁就试吓个和牛套餐啦！每位四百几蚊再加一，咁佢哋嘅肉嘅部位选择非常多！咁我哋当然每款都试吓啦。一上枱有几种铺满雪花嘅和牛！油脂分布平均，每款肉嘅口感都不同，另外佢仲会上一盘海鲜拼盘！有好好味嘅海胆，仲有其他刺身，佢系用QR code喺手机度下单嘅，不过食落啲虾就真系唔系几新鲜，希望呢样可以改善一下，因为香港人始终都系好嘴刁。好食同唔好食一食落去就分得清楚，如果选择最贵嘅餐，都食唔到价钱嘅质素，咁就会慢慢少咗客人嚟食！整体气氛环境系唔差嘅👍🏻😉