彩福國宴 (已結業)

和家人出咗去大埔墟行街，回程时经过宝湖商场见到彩福做紧promotion $148一条沙巴龙趸，再睇下餐牌觉得都啱食,就入去试。今次第一次去彩福食晚饭，入去感觉几豪华，装修以紫白色为主，有大量水晶灯令环境够光猛。坐位坐得舒服，干净。片皮鸭(两食)见到餐牌有我最钟意食既片皮鸭，当然立即 order啦，只鸭偏大只，比平时烧味档的较大，店员在餐枱旁切片，上菜时大约有20片鸭，配料有青瓜，香葱，甜酱和片皮鸭面皮,鸭皮烧得够香口，包上其他配料食有爽口，葱香和多重口感。二食可拣茄子/凉瓜炆鸭件我哋拣了茄子炆，茄子同鸭件都够入味，鸭件唔会过熟。招牌小炒皇相信厨房师傅先将虾干爆香，然后再炒，因为全碟菜都有虾干既咸香，送饭一流，带子和虾仁都够新鲜。清蒸沙巴龙趸蒸既火候啱啱好，肉质鲜嫩，味道食到鱼既鲜味瑶柱蛋白炒饭呢度嘅圆柱蛋白炒饭用咗豆角嚟炒， 感觉上矜贵d, 炒饭粒粒分明，够镬气。