釜之魂釜飯專門店 (淘大商場) (已結業)

喺淘大附近想揾一间餐厅食日式料理，朋友介绍下嚟咗呢度食，佢话食过好好食。本身我都未食过釜饭，所以好奇下先做啲research再去食。原来釜饭就好似香港人食开嘅煲仔饭，但系煮法有啲唔同，而且唔会落酱油，味道可能比较淡口，不过由于系因为用高汤煮出嚟， 所以煮出嚟嘅饭本身都有味道。睇完我都觉得几期待呢一餐。餐厅店舖尚算舒适，但系服务员好似比较少， 想落order嘅时候都揾唔到人。最后叫咗金魂同银魂。金魂嘅鳗鱼烧得唔错，份量尚算接受， 食落啖啖肉。但系一食落啲饭，我就好失望。首先，饭质太淋但系偏干身，食到个口浆住浆住。另外，饭入面根本就食唔出有乜特别味道，要加多啲鳗鱼汁先可以继续食落去。银魂更加令人失望，因为鳗鱼已经觉得比较干身，成个饭要额外加鳗鱼汁先可以食完。总结嚟讲，有啲糟蹋咗啲鳗鱼。。。由于本人比较著重饭嘅味道同埋口感，所以呢一餐都比较令人失望，有好大嘅改善空间。