和拉麵

营业中

休息中

今日同朋友去大埔影相，顺便试下和拉面，结果又几有惊喜！哩间铺嘅装修似足日本拉面店，一入门店员已经用日文讲欢迎光临，送上两杯水，笑容满面，服务质素唔错。我试咗佢地自家制嘅章鱼小丸子，剪到金黄色，未食已经觉得好靓好香。咬落去真系哗咗一声，入面肉汁爆岀黎，饀料好足！章鱼好大粒，仲要唔油，推荐！终于到拉面上场，汤底系热辣辣嘅味噌汤！我忍唔住一放低就想试翻啖汤，咸度适中，而且好香浓。我拣咗正常面底，唔会太硬又唔会太软，真系啱啱好硬度，爽口弹牙！仲有半粒溏心蛋系最令我中意㗎！咬落去蛋黄汁涌岀，入面做到好流心，超正！睇黎短期内我都会经常帮衬哩间拉面，真心推荐一试！