Mashi No Mashi

营业中

休息中

和牛丼及和牛沾面知道此店客似云来，店面不大只有十来个座位，所以同朋友两个人就决定先到先攞位，可惜店员话要人齐才可入座。我到后，前面一行四人仲差一个人未到，话黎紧黎紧, 店员居然比佢哋先入座，咁都冇问题，因为见到近窗口仲有两个位。殊不知之后同我哋讲已经满座，叫我哋再等多20分钟。我问点解有两个空位唔坐得人，店员答因为其中一张凳要比第二间餐厅用，所以其实只有一个位。咁我又再问点解前面未到齐又俾佢哋入左先？我哋比佢哋先齐人又要等多20分钟？表达完意见后，店员就安排果两个空位俾我哋坐。直到我哋食完埋单，所谓keep起𠮶张櫈从来冇拎去第二间餐厅用。虽然我哋唔系食千几蚊一餐，但收得中上价钱一碗面，安排可以好少少. 讲返食物质素，根本就以本伤人，食材质素高，手残都会煮得好食。丼饭材料只有白饭，和牛几块，同一只生鸡蛋。虽然冇问，但生鸡蛋应该系用兰王?! 份量偏细，男士可能要食两碗。和牛油脂多，食到最后都有啲腻。沾面都不错，沾汁够热，面条弹牙挂汁。