尚八日式燒肉店 (已結業)

生日正日去左旺角嘅分店食之前系荃湾已经食过一次，但当时就唔系食A4和牛个餐。今次就拣左最贵嘅A4和牛，和牛嘅摆碟几企理，当中最好食嘅系牛三角呢个部位，其次就系牛前肩。其他部位唔建议大家叫太多嚟食，少少哋试吓喺ok，因为我一开始每款叫咗4片之后全部都系叫返牛三角食，牛三角嘅油脂相对系有A4和牛嘅应有水准。我食过两次呢间烧肉店佢嘅牛肉水准都系唔错嘅，但系其他嘅食物呢就系比较差。-虾比较唔新鲜-蚝都系好差-番薯仔用香草牛油个设定好差 ,好似夹硬要整D新野咁，本人认为原味更好食！-饮品嘅种类可以话系极少仲有其他配料不能尽录但系公道讲一句，如果一间烧肉餐厅喺平衡成本之间去选择 佢嘅牛肉质素比其他凑数食品质素更重要。所以佢嘅牛好食我都会再去，但有啲出品唔需要太大成本去改善，只需要大厨有心去执已经可以有更好效果。细节位改善好之后我相信佢成为香港top5内烧肉放题系毫无疑问，因为尚八牛肉质素出色，而牛肉质素系烧肉放题嘅绝对因素。