石一燒 (九龍城) (已結業)

九龙城唔系净系泰国嘢出名，都有高质烧肉店✨今次同朋友拣左石一烧嘅极上和牛盛会2人前，可以食到三种和牛🐮，三种和牛嘅油脂分布/牛味各有特色，店员提议由淡至浓嘅顺序食和牛前腿肉、和牛封门柳同和牛三角胸，身为和牛控嘅我超级满足🥰🌟极上和牛盛会2人前 $698🌟🔅沙律+樱花虾味噌汤沙律🥗翠绿新鲜，樱花虾🦐味噌汤虾味浓郁，食完胃口大开!🔅前菜(三品)是日前菜系炸牛乳、皇帝蟹柳同辣带子裙边。炸牛乳有惊喜，炸得外脆内软，一啲都唔油腻😌；皇帝蟹柳同辣带子裙边都好新鲜，带子裙边带咬口，微辣开胃🤤🔅日本九州A4和牛前腿肉和牛嘅油脂分布平均，食落几乎入口即融🥺，可以用酱油/岩盐点黎食，仲有只自家调味嘅盐，点牛肉食提升味道，劲夹💯.🔅澳洲和牛封门柳牛味比前腿肉更加突出，脂肪较少，肉质较结实，个人觉得烧到带点焦香就最好食😝.🔅日本九州A4和牛三角胸油香丰富，入口软腍，话系齿颊留香一啲都唔夸张🫶三种牛都好高质🔥.🔅豚骨白鸡汤乌冬饮落系浓厚嘅猪骨味，乌冬系带韧劲嘅口感😗店员仲送左普洱咖啡比我地解一解腻，估唔到普洱同咖啡系咁夹，茶具都好精致👏最后甜品有云呢拿雪糕🍨，仲可以加水落抹茶粉自制抹茶汁，随个人喜好加落雪糕度食