影片
更多
2020-12-01
5089 浏览
近排好忙，星期日都要开工，但喺工作之前先食个靓午餐提提神。我同朋友订咗枱食「和牛烧肉‧纯」，晚餐实在太贵，唔舍得食🙈，试下晏昼质素如何先。午市套餐有唔少选择。其实价钱有平有贵，有部份烧肉餐更系一百蚊都唔驶👍！不过要食靓和牛，价钱就有返咁上下。定食奉送沙律🥗，沙律用上柚子醋，开胃得来唔会太酸。前菜类似系泡菜牛肉丝，微微辣🌶，同样令人食指大动。特选五式和牛定食($350)，定食有五款肉，包括特选三角牛排肉、特选牛排肉、肩眼肉、上牛排肉、以及牛排肉，每款各两片🥩，我哋可以一人一片。五款肉入面，放上细碟𠮶三款比较好食😋(唔记得啲名)，无论视觉见到嘅脂肪分布定入口即化嘅感觉都更胜一筹！和牛肉身嘅油脂不得了，食落明显同普通牛肉有好大分别。另外两款肉其实都OK，只不过略嫌酱汁调味重手咗啲，抢咗和牛本身嘅味道。和牛嘅厚度大小啱啱好🐮，餐厅提供嘅酱油碟旁正正够放一块肉。个人认为唔使点汁都已经好好食。随拼盘亦附有少量瓜菜🌽，记得唔好嘥，烧埋嚟食。和牛涮涮锅定食($200)，涮涮锅造型靓靓😍，好吸引。锅物一大兜，另加一碟牛肉。定食附送两个酱汁，分别系醋汁同芝麻酱，店员有介绍传统正宗食法，不过近代都无太严格要
近排好忙，星期日都要开工，但喺工作之前先食个靓午餐提提神。我同朋友订咗枱食「和牛烧肉‧纯」，晚餐实在太贵，唔舍得食🙈，试下晏昼质素如何先。
午市套餐有唔少选择。其实价钱有平有贵，有部份烧肉餐更系一百蚊都唔驶👍！不过要食靓和牛，价钱就有返咁上下。
定食奉送沙律🥗，沙律用上柚子醋，开胃得来唔会太酸。
前菜类似系泡菜牛肉丝，微微辣🌶，同样令人食指大动。
特选五式和牛定食
$350
18 浏览
0 赞好
0 留言
五款肉入面，放上细碟𠮶三款比较好食😋(唔记得啲名)，无论视觉见到嘅脂肪分布定入口即化嘅感觉都更胜一筹！和牛肉身嘅油脂不得了，食落明显同普通牛肉有好大分别。另外两款肉其实都OK，只不过略嫌酱汁调味重手咗啲，抢咗和牛本身嘅味道。
和牛嘅厚度大小啱啱好🐮，餐厅提供嘅酱油碟旁正正够放一块肉。个人认为唔使点汁都已经好好食。
随拼盘亦附有少量瓜菜🌽，记得唔好嘥，烧埋嚟食。
和牛涮涮锅定食
$200
10 浏览
0 赞好
0 留言
和牛涮涮锅定食($200)，涮涮锅造型靓靓😍，好吸引。锅物一大兜，另加一碟牛肉。定食附送两个酱汁，分别系醋汁同芝麻酱，店员有介绍传统正宗食法，不过近代都无太严格要点食。
牛肉有六大薄片，薄嘅原因系因为渌落锅唔适宜太厚，所以牛肉轻轻渌几下就搞掂👌。牛肉味道不及烧肉𠮶啲正，但牛肉都几浓，亦有雪花纹。
涮涮锅汤底清淡，味道亦相当唔错，而且入面放满各式各样嘅蔬菜同杂菇🥕，感觉好缤纷，冬菇上面仲介咗粒星添。餐厅将平日一扎嘅芋丝摊开，食落又几得意。
定食配有白饭🍚同汤，一定够饱！
饮品方面，我哋各加$12要咗青苹果汽水同荔枝汽水，味道正正常常。食饭过程当中我哋亦系咁饮茶，店员好好会留意住客人嘅需要，不断帮我哋添茶🍵。
环境方面，面积唔算大，如果想食就最好订定位啦！例如呢日星期日中午都几爆场下👏。另外，餐厅仲有啲吧枱位。
总括嚟讲，餐厅无负以「和牛」命名，和牛果然不同凡响，令人回味无穷🤤。餐厅定价唔平，不过绝对对得住个价钱。店员亲切有礼，服务可改善嘅地方就系菜式逐样上会更佳，因为无暇一边烧肉、一边Shabu Shabu🤣。最后奉上餐厅嘅完整餐牌，当中有好仔细介绍牛嘅部位同等级计算，长知识哦🙏🏻。
张贴
