和牛燒肉‧純 (已搬遷) 新店位置

今日又同个仔出咗去中央图书馆做功课资料搜集，做下做下又几个钟又到食饭时间啦，当然又系要问下个衰仔嘅意见啦！衰仔都系果句我要食牛肉，寻日食完火锅，今日又话要食烧牛肉。佢成日问我几时会再去日本，因为近排返工实在太忙，去唔到日本食靓牛，咁就系香港食返餐好少少，记得之前喺尖沙咀食过一间和牛烧肉纯，食嘅牛系取自鸟取个边，原来铜锣湾都有分店，今次就再食多次啦！五点九上到去，仲系准备中，未到六点，系门口坐一阵，好好彩，我地系第一个walkin 客，仲有位比我地，亲眼见住有其他客人六点十五分黎到已经不能walk in入座，㫮因订位已满，所以订左位既记得唔好失约啊！想食又记得订位啊！今次点左上肉眼，牛肩肉，五花肉，胸外复，肉眼扒同牛肩肉脂肪比例平均，脂肪纹好靓，每边烧十零秒已发出阵阵牛肉香味，简单点啲海盐同黑椒已经震慑味雷！如果想试吓入口即溶，钟意牛油味嘅朋友，强烈建议点肉眼同牛肩，个衰仔好识食过不停。另外个五花肉同埋胸外腹，多汁嫩口，性价比高，加多两杯麒麟生啤，大满足！