影片
更多
2017-07-26
171 浏览
想试和牛烧肉纯好耐，呢日终于同人嚟食喇。餐厅就晌半岛中心对面嘅希尔顿大厦入面，都几方便。装修唔系好花巧，系偏向端庄嘅路线。餐厅采用嘅都系日本产和牛，餐牌入面仲有几版用嚟解释要有乜条件先可以叫做和牛，另外仲有各部位嘅介绍。单系牛肉都有唔同部位拣，同埋仲有豚肉等等，如果唔食烧肉嘅话都有刺身等等日式料理提供。饮品方面酒精占咗两大版，亦有少量无酒精饮品。巨峰梳打同白桃梳打，分别呈深紫色同粉橙色嘅，酸甜有致都唔错。无几耐，侍应就将我哋嘅食物拎嚟。餐前先食沙律，入面有生菜、洋葱、车厘茄等等，配埋柚子醋，好酸香醒胃。餐厅将几款和牛放埋一齐，睇起上嚟几别致。日本产和牛肩眼，油份唔多，柔软而有咬口。和牛赤身肉，色泽比其余三款深，肉表面淋上酱汁，几惹味。特选日本产和牛牛排肉，餐牌写系烧肉中最高评价嘅部位。肉软滑有油香，就好似晌度食烧肉版嘅吞拿鱼腩咁。特选日本产和牛肉眼，呢款系最厚同最易沉积脂肪嘅部位，价钱亦比较高，烧好之后入口即化。一边食一边烧，又可以按自己嘅喜好拣生熟度。餐厅嘅和牛质素高，我觉得就咁食已经够味。盐烧嘅和牛本身已经洒咗盐同黑胡椒，如果觉得唔够嘅话亦都可以按需要再加。蘸埋酸汁、柠檬汁或盐嘅话
想试和牛烧肉纯好耐，呢日终于同人嚟食喇。餐厅就晌半岛中心对面嘅希尔顿大厦入面，都几方便。
装修唔系好花巧，系偏向端庄嘅路线。
餐厅采用嘅都系日本产和牛，餐牌入面仲有几版用嚟解释要有乜条件先可以叫做和牛，另外仲有各部位嘅介绍。
单系牛肉都有唔同部位拣，同埋仲有豚肉等等，如果唔食烧肉嘅话都有刺身等等日式料理提供。
饮品方面酒精占咗两大版，亦有少量无酒精饮品。
巨峰梳打、白桃梳打
16 浏览
0 赞好
0 留言
巨峰梳打同白桃梳打，分别呈深紫色同粉橙色嘅，酸甜有致都唔错。
日本产和牛
9 浏览
0 赞好
0 留言
无几耐，侍应就将我哋嘅食物拎嚟。
沙律
7 浏览
0 赞好
0 留言
餐前先食沙律，入面有生菜、洋葱、车厘茄等等，配埋柚子醋，好酸香醒胃。
日本产和牛
19 浏览
0 赞好
0 留言
餐厅将几款和牛放埋一齐，睇起上嚟几别致。
日本产和牛肩眼，油份唔多，柔软而有咬口。
和牛赤身肉，色泽比其余三款深，肉表面淋上酱汁，几惹味。
特选日本产和牛牛排肉，餐牌写系烧肉中最高评价嘅部位。肉软滑有油香，就好似晌度食烧肉版嘅吞拿鱼腩咁。
特选日本产和牛肉眼，呢款系最厚同最易沉积脂肪嘅部位，价钱亦比较高，烧好之后入口即化。
一边食一边烧，又可以按自己嘅喜好拣生熟度。
餐厅嘅和牛质素高，我觉得就咁食已经够味。
盐烧嘅和牛本身已经洒咗盐同黑胡椒，如果觉得唔够嘅话亦都可以按需要再加。
蘸埋酸汁、柠檬汁或盐嘅话，就可以提味。
伴碟嘅南瓜、冬菇、彩椒同粟米，烧好之后同和牛一齐食可以解腻。
张贴
