本延鍋物

营业中

休息中

呢间寿喜烧小店系系铜锣湾鹅颈桥附近嘅细行入边，食物质素高，好值得嚟试吓！晚市套餐有五款肉可以谏，A4 同A5和牛各两款。唔食牛都可以拣豚肉。散嗌餐牌仲有更加多唔同牛、豚肉同海鲜选择。套餐会包埋前菜，野菜拼盘，日本白米饭。白饭亦都可以加$15转拉面或者乌冬。极尚A4黑毛和牛，关东风寿喜烧汤底 $458和牛啲油脂雪花分布得好平均，而且色泽鲜艳，望落好新鲜。食落亦都好香牛味，而且食到和牛嘅鲜甜味。口感好细致好滑。关东风嘅寿喜烧汤底会有少少甜甜地而且味道浓郁同和牛好夹。啲蔬菜同乌冬亦都朔晒个汤汁好好味！A5黑毛和牛肉眼，日式昆布上汤汤底 $608前菜系青瓜同埋鲜淮山，鲜淮山食落好清甜而且爽口。和牛肉眼油脂会多少少，但系肉味香浓而且鲜甜，牛味会再重少少，份量都几多下食到好饱。椰菜拼盘都有好多唔同种类嘅蔬菜，有冬菇，金针菇，白菇，栗子南瓜，芋丝皇帝菜，白菜，同埋蟹柳。而昆布汤味道清甜仲有一丝丝昆布。