金金日式燒肉店

营业中

休息中

好想食烧肉又唔想太大油烟，又想坐耐d静静地食d高质素小小既肉，拣左同朋友2个人上去铜锣湾楼上店，感觉几日式。什锦海之幸盛合 $118有半壳带子2个，活蛤2只，广岛蚝2只，鱿鱼须同虾2只，最中意系食广岛蚝！劲劲大只好多汁，记住唔好烧咁耐。澳洲黑毛和牛盛合$298有肉眼，一口牛，黑肌肉同肩胛。初初真系唔系好识分有咩唔同，原来要食落先知。最正都系和牛，因为唔算太多脂肪，眼见佢烧既时候渗岀肉汁，好好食既样，食落唔un，好重牛味，而且仲好嫩滑。果味牛肋骨肉$68果味个名好特别，原来食落真系甜甜地，但系肉味冇和牛咁香。极上网烧一口牛$68一口牛就系一口要食晒，唔可以烧太耐，要烧到外脆脆地，入面唔系太熟先好食，入口有溶化既感觉。香草牛油一口牛$68牛油劲大够，慢慢烧肉味好出，都入晒牛油味，感觉好邪恶。24cm壶溃牛肋骨肉  $93呢个好有步骤，首先要烧左一阵肉先，之后先浸酱汁入下味，再重覆几次，真系要好有心机慢慢烧，就会烧得好靓。两个人食左7百几蚊左右，食到好饱又大满足。