影片
更多
2022-07-10
114 浏览
.📍Spring Field 和牛浓汤河专门店 📍 #馒头去湾仔 #馒头食越南菜------------------------------1️⃣ 和牛大满足全配料牛汤金边粉 ($124)呢度嘅汤底食泽较为清彻，虽然饮得出明显嘅牛骨香味，但咸味偏淡，唔太感觉到理想中嘅先咸后清甜，金不换等香料嘅份量亦唔太够，欠缺我喺越南食到嘅𠮶种清爽新鲜嘅香气，略嫌汤底层次稍为普通，胜在唔油腻同冇味精，饮完唔会有种好口渴嘅不适感。话虽如此，Spring Field嘅牛肉却比到同价格相应嘅水准，火灸澳洲和牛片有3大片，唔会过薄，颜色系6-7成熟粉嫩状态😍，脂肉比例均匀，入囗感觉到微微烧香，嫩滑软绵唔干柴，牛味鲜甜香口；最令我惊喜嘅系澳洲和牛牛丸，外表如同普通牛丸平平无奇，内里juicy多汁，质感扎实弹牙，释出浓郁脂香🐮，真材实料令人信服；慢煮牛肉条系牛蹍部位，粗切，夹起嚟唔容易断，筋肉纹路清晰可见，虽未及入囗即化，但软腍程度合格有余，可以 一次过感受三种唔同口感嘅牛肉真系好开心😚♥️；萝卜粒亦系水份充足无咩渣，不过应该系同牛骨汤分开煮，味道上带日式昆布汤嘅风味，配越南河粉有啲新奇。面底我就拣咗口感较为爽口挺身
📍Spring Field 和牛浓汤河专门店 📍
#馒头去湾仔 #馒头食越南菜
------------------------------
1️⃣ 和牛大满足全配料牛汤金边粉 ($124)
呢度嘅汤底食泽较为清彻，虽然饮得出明显嘅牛骨香味，但咸味偏淡，唔太感觉到理想中嘅先咸后清甜，金不换等香料嘅份量亦唔太够，欠缺我喺越南食到嘅𠮶种清爽新鲜嘅香气，略嫌汤底层次稍为普通，胜在唔油腻同冇味精，饮完唔会有种好口渴嘅不适感。
话虽如此，Spring Field嘅牛肉却比到同价格相应嘅水准，火灸澳洲和牛片有3大片，唔会过薄，颜色系6-7成熟粉嫩状态😍，脂肉比例均匀，入囗感觉到微微烧香，嫩滑软绵唔干柴，牛味鲜甜香口；最令我惊喜嘅系澳洲和牛牛丸，外表如同普通牛丸平平无奇，内里juicy多汁，质感扎实弹牙，释出浓郁脂香🐮，真材实料令人信服；慢煮牛肉条系牛蹍部位，粗切，夹起嚟唔容易断，筋肉纹路清晰可见，虽未及入囗即化，但软腍程度合格有余，可以 一次过感受三种唔同口感嘅牛肉真系好开心😚♥️；萝卜粒亦系水份充足无咩渣，不过应该系同牛骨汤分开煮，味道上带日式昆布汤嘅风味，配越南河粉有啲新奇。
面底我就拣咗口感较为爽口挺身嘅金边粉，相对河粉就冇咁软腍，但面身幼长挂汤，质地更有咬口感，符合我口味，再配埋麻油同香辣比例适中嘅爽口芽菜，更为惹味。 虽然对汤底有少少失望，但配料做得几出色，所以小编都愿意畀一个相应高少少嘅分数。
2️⃣ 招牌春园河 ($81)
------------------------------
🔸整体评分：7.9/10
🔸小编回头率：7/10
张贴
