SENSU (已結業)

今日系蓝色星期一，女友放工后心情特别低落，女友狮子开大口话要食和牛，作为24孝男友既我当然满足女友要求。经过上网查阅，我同女友最后去左SENSU，上楼梯既时候感觉非常梦幻。一入去餐厅就见到吧枱，再行入少少就系用餐嘅地方。装潢以金、黑为主调，环境非常欢堂，白色云石枱配上木椅可谓西日合璧，更加添一份贵气。睇到呢度系咪觉得SENSU同和牛完全冇关系呢？咁你就错啦，餐厅既All-day menu同snack combo都有和牛元素，仲要A5和牛😍日山国产和牛乌冬可选择木鱼花汤同麻辣汤。乌冬烟韧弹牙，一碗内有四、五件和牛，肉质软稔，另外仲有牛丸。不过份量有啲小，对男仔嚟讲唔够候。日式烧国产和牛定食附送汤同沙律，汤有啲咸，和牛肉味相当香浓，配上温泉蛋更加惹味。黑松露薯条上面洒上松露碎，加上黑松露酱，所以黑松露味好足够。另外食落唔觉油腻，薯条炸得几干身。平时Happy hour佐酒食物都系薯条串烧之类，但系SENSU系和牛配酒，可谓奢华嘅配搭，你值得拥有。