和牛88 (已搬遷) 新店位置

刚刚去完日本食完和牛放题，同事介绍，返来香港又食和牛88既和牛餐，难免有比较。母亲节食午餐，叫左个牛肉乌冬、炸鸡软骨、煎饺子食住先。鸡软骨同饺子都好好味。牛肉乌冬必食乌冬好弹牙，超级好味。后来叫左蟹膏甲罗烧、火焰和牛、烧牛肩肉、豆腐沙律、和牛炒饭、和牛寿喜烧、和牛寿司拼盘、枝豆。和牛菜式同埋沙律全部都好味，不过牛肉都系同日本食既有D分别。系日本放题食既比较嫩，和牛88既和牛虽然好味但系有一两块会有D韧。蟹膏甲罗烧味道怪怪地。蟹盖里面既蟹膏份量都几多，唔知系味噌太多定系沟左其他材料，蟹膏既鲜味无左，唔再原汁原味，呢个菜式可以Pass。个人觉得65折之后先系食物应该值得既价钱，不过系香港来讲都算唔错，毕竟运费同租金贵。见到餐厅平日Lunch Set应该会抵D，下次Lunch过来试吓。