阿久根和牛拉麵屋

营业中

休息中

阿久根主打和牛拉面，一去到门口已经好有日式风味，大大个的红色灯笼，相当抢眼，而店内嘅装修都好日系，以木色风格为主调，令人有种置身于日本拉面屋嘅感觉。招牌三色拉面 $128三色指慢煮A4和牛、鸡肉及烧豚肉，A4和牛脂肪比十分出色，油而不腻，鸡肉鲜嫩，口感弹牙，烧豚肉入口即溶，相当入味，而拉面用上海老汤底，浓郁得黎但又唔会太咸，好食。耐烧美国安格斯牛小排鱼介汤沾面 $138沾面用鱼介汤，新鲜煮起，上台仲有气泡啵啵，啵啵咁涨起，沾面汤同样一啲都唔腻，沾多啲都唔怕，沾面唔算粗同都爽口弹牙，而安格斯牛份量好多，烹调得好腍。冲绳芥末饺子4枚 $48饺子皮薄馅靓，外皮煎得香脆，馅料用猪肉、洋葱、芥末等材料猜成，芥末份量恰到好处，唔会放得太多而攻鼻。