禪八日本料理

营业中

休息中

早前到禅八食火锅, 本来冇乜寄望, 但水准比想像中好好多~! 两个人, 点了一个牛肉火锅, 加一碟刺身拼盘. 拼盘内的刺身选择比一般坊间的算多, 而且质素不俗, 每片刺身都大大块, 好有口感! 最紧要系卖相很精致, 净系睇住碟野食, 都觉得好开心!! 火锅的锅则用纸做, 我和朋友都觉得好神奇, 个纸锅直接放在炉上面, 但张纸又唔烂唔溶, 一路食, 一路研究, 好过瘾~! 而且火锅的食材全由日本入口, 正宗日本风味, 牛肉超大块, 一啖放入口, 劲满足, 虽然我地将牛肉渌至全熟, 但完全唔鞋口, 相反, 仲好juicy! 通常食日本和牛, 一两旧已经好漏, 但呢次的牛肉, 脂肪分布平均, 唔肥唔瘦岩岩好, 所以不自觉地一片又一片放入口, 仲想叫多碟添!! 再望望其他客人, 有几枱都系日本人, 果然连日本人都钟意食!! 价钱公道, 虽然唔算平, 但质素同价钱成正比, 下次都会再试~!