影片
更多
2023-03-25
157 浏览
之前起KKday见到黄金海岸酒店推出《和风盛馔下午茶》优惠，预订嘅每日头三组可以以6折优惠购买(我哋3月10号已经订定3月尾)今次嘅下午茶同平时英式𠮶啲好唔同，呢个全日式🇯🇵 唔系以三层架放，而系日式盘，可以一次过睇晒所有野食咸甜点都吸引😍款式算多，好难得大部份都叫啱食(✔️好食 ｜➖一般 ｜✖️唔好食)《咸点》▶️ 三文鱼樱花虾酱三文治✖️用三层白方包夹住三文鱼樱花虾酱面层放咗一片片青瓜同埋一粒好香甜多汁嘅芒果🥭食落味道偏淡，净系食到樱花虾味但完全冇三文鱼咸味 面包就似嘉顿无边白面包嘅味道同质感▶️ 北海道带子饭团✔️白饭捞上蟹子、切碎嘅带子同青瓜粒，不过带子基乎冇咁滞😢外面包咗片紫菜，但紫菜淋咗饭团味道淡，主要得米醋嘅少少酸味同青瓜味，所以我另外加咗啲日式芥末酱落去食🍙白饭质地几饱满黏身，似华御结𠮶啲，亦好食过7仔▶️ 绿茶面配七味粉吞拿鱼➖🐟吞拿鱼刺身厚切，颜色红润，味道唔腥，肉质鲜嫩，可以食到一层层外层唔系炙烧但微微硬身啲，口感上有层次分别🥢绿茶面望落似荞麦面，旁边有酱油可以落落去，可惜完全冇绿茶味因为煲得太耐所以啲面又淋又易断，都几难食🫢▶️ 日式章鱼小丸子✔️每人两粒章鱼小丸子，上面放上经典
今次嘅下午茶同平时英式𠮶啲好唔同，呢个全日式🇯🇵 唔系以三层架放，而系日式盘，可以一次过睇晒所有野食
咸甜点都吸引😍款式算多，好难得大部份都叫啱食
(✔️好食 ｜➖一般 ｜✖️唔好食)
《咸点》
▶️ 三文鱼樱花虾酱三文治✖️
用三层白方包夹住三文鱼樱花虾酱
面层放咗一片片青瓜同埋一粒好香甜多汁嘅芒果🥭
食落味道偏淡，净系食到樱花虾味但完全冇三文鱼咸味
面包就似嘉顿无边白面包嘅味道同质感
▶️ 北海道带子饭团✔️
白饭捞上蟹子、切碎嘅带子同青瓜粒，不过带子基乎冇咁滞😢
外面包咗片紫菜，但紫菜淋咗
饭团味道淡，主要得米醋嘅少少酸味同青瓜味，所以我另外加咗啲日式芥末酱落去食
🍙白饭质地几饱满黏身，似华御结𠮶啲，亦好食过7仔
▶️ 绿茶面配七味粉吞拿鱼➖
🐟吞拿鱼刺身厚切，颜色红润，味道唔腥，肉质鲜嫩，可以食到一层层
外层唔系炙烧但微微硬身啲，口感上有层次分别
🥢绿茶面望落似荞麦面，旁边有酱油可以落落去，可惜完全冇绿茶味
因为煲得太耐所以啲面又淋又易断，都几难食🫢
▶️ 日式章鱼小丸子✔️
每人两粒章鱼小丸子，上面放上经典嘅木鱼丝, 紫菜同沙律酱配搭
即叫即整，所以外皮香脆，入边就面粉浆状 (batter-like)，几得意
入边有粒好细粒嘅八爪鱼🐙
虽然冇可能同日本食到嘅比较，但个人觉得算唔错，钟意佢唔系落咗好多沙律酱
▶️ 照烧鸡肉大葱串烧➖
感觉似超市买到嘅急冻鸡肉串😅并非居酒屋𠮶种
照烧汁太多，搞到好咸，同埋冇大葱，所以欠缺香味
🐔幸好鸡肉肉质尚算ok
▶️ 炸虾天妇罗配日式芥末酱➖
本身只虾好幼，所以炸出来都好幼身🍤
本人唔太好呢个，净系试咗佢嘅炸蔬菜，都几香脆干身，炸粉唔厚
日式芥末酱唔攻鼻而有Wasabi香味，可以减少油腻感
——————————-———————-
《甜品》
▶️ 抹茶红豆糯米糍✔️
超挂住日本食嘅mochi/草饼🍡
呢个系绿色嘅抹茶糯米皮包住红豆蓉，望落几相似
抹茶糯米皮够薄身，少少烟韧口感，不过偏向湿润黏身🤏🏻
欣赏佢个绿茶味几出，入面食到一粒粒真起沙嘅红豆🫘
▶️ 红豆铜锣烧✖️
似Muji买到𠮶种铜锣烧零食，两块pancake夹住红豆蓉
🥞Pancake偏硬身欠缺松软度，红豆蓉就太甜
▶️ 抹茶豆腐芝士饼➖
呢个都几讲功夫，特别少少
下面系一块圆辘辘嘅芝士饼，上面系一个半球装嘅白朱古力杯，入面装住啲用豆腐整嘅cream，最后放上抹茶cream同牛奶朱古力🍫
由于本身我唔太钟意朱古力，所以觉得成个嘢好甜同漏，唯独豆腐cream唔错，有微微豆乳味
▶️ 北海道3.6牛乳布甸配士多啤梨✔️✔️
呢个系咁多款甜品入边最出众嘅一个，一个透明杯装住白雪雪嘅布甸，上面放上切成三片嘅士多啤梨粒🍓
牛乳布甸好有牛奶香味🥛食落幼滑creamy，唔系啫喱状👍🏻
▶️ 樱花水信玄饼配黑糖浆✖️
发现自己完全冇食过呢款甜品，成日都好想试，好想知道究竟佢透明啫喱状咁会系咩味
呢个入边放咗真樱花🌸不过冇咩味嘅
估唔到食落系咁嘅口感😂好似饮紧一啖固体嘅水咁 (联想到太空人喺太空饮水个画面)
佢嘅黑糖浆都非常淡，所以成个食完好似冇食野咁
另外仲每人包一杯饮品，多款茶／咖啡拣，叫咗杯洋甘菊🍵惊今晚瞓唔着，听讲洋甘菊系有助睡眠的
味道清清地，似菊花茶+薰衣草
-
食物味道好一般冇话特别出众，有啲仲好淡味🤥
多数系超市会买到嘅食物，只不过用靓啲嘅方式去摆放，感觉精致啲，又可以一餐食晒咁多款食物
成个high tea最欣赏系佢个牛乳布甸
用餐时间为3-5pm，因为系去到先预备嘅，所以要等大约20分钟
环境舒服，坐窗口位望游泳池景🏊🏻♂️呢个钟数又唔多人，感觉宁静
服务OK，几有礼貌
优惠咗之后平均$188/人，食物够饱肚，算抵食(不过如果原价食就唔值)
见依家KKday仲有得买，冇6折优惠但有7折，得返28-31/3咋，去食下个feel都唔错嘅～
张贴
