Good Good (已結業)

误打误撞黎咗依间餐厅初尝茶渍（茶泡饭），听闻之所以有日本人开始制作茶渍系为咗可以迅速完食，谂到依到就觉得同餐厅规定嘅60分钟用餐时间相映成趣…不过除咗要食得急少少之外，依餐都可以话系非常满意。.茶汤方面使用咗熟茶，食到最尾会有少少茶涩味，不过都系享用茶渍嘅特别之处。米饭系采用日本珍珠米，吸收哂茶汤嘅精华，配上海苔﹑素菇等用料，本身对素食无感，的确估唔到无用肉类去熬汤都可以咁有鲜味。.配菜方面，玉子烧鸡蛋甜味突出，每一层蛋皮都非常均匀，符合水准。最有惊喜嘅系附上一碟两三件嘅红萝卜，煲到质地非常软绵﹑入味。比起茶汤，我更钟意隔离个碗面豉汤～有豆腐﹑味噌味道醇厚，热焫焫咁饮一口～好满足！.❍ 用餐提示餐厅有两层，下层系吧枱，上层系普通餐桌。餐厅设计以日系白色x原木色为主，风格一致又舒服。水同餐牌都系自助式，点餐就靠系枱面上面揿制召唤staff系下层上黎。坐得都算舒服，而且餐厅灯光﹑装修都好啱心水，仲配上成set日式餐具，食得特别开心～.如果一早计划好黎食饭，建议预早一日于instagram上预订咗先。到访当日都系得翻最后一张枱，平日下午一点几都见有一两组客人系餐厅外面排队。