平成 (已結業)

和风居酒屋@尖沙咀依间居酒屋喺棉登径，唔系好大间铺，反而更加有日本小店 feel。水泥墙既简约又有型，菜式好多种类，好唔错～去居酒屋点日本生啤是常识吧，一点完店员即时喺啤酒机斟出嚟，味道甘香。原本酒泡系丰盈啲，不过我饮咗先影相，哈哈！泡菜炒五花腩比较浓味，充满泡菜嘅酸辣。五花腩份量丰富，炒得惹味，送我杯生啤就最适合不过。大阪烧中间有牛肉做馅料，厚度适中，上面有超多美乃滋同紫菜！底面都有脆脆嘅口感，好食～鸡肉好嫩滑多汁，酱油提味得嚟唔会过咸，两者好夹。大葱切细一齐炒，入味之余几爽口。以平底煎锅端上非常热辣辣嘅芝士葱蛋饼，葱花多到不得了，卖相好吸引。蛋饼嘅芝士味几浓，好似同啲蛋融合埋一齐咁。鳗鱼丼都系加咗芝士去烧，火候啱啱好，烧得好靓！鳗鱼软滑好味，绝对冇畀芝士盖过呢，整得好出色。