圓山飯店 (裝修中)

今日为“冰镇咕噜肉”而来，听咗好多个朋友话，呢间圆山饭店啲咕噜肉真系冇得顶，而今日个朋友又零舍钟意，咁就同佢一齐嚟食。预咗啲𩠌未有咁快嚟，咁就叫一个简单啲嘅食住先，话是话7点几啦，都有少少肚饿。而呢样嘢就系"皮蛋肉松豆腐"，系几台式嘅一道凉拌菜，我的外国朋友对“皮蛋”系敬而远之，而我的中医师朋友却说，皮蛋能清热解毒、滋阴润肺，好好㗎，港式嘅皮蛋瘦肉粥我谂大家都钟意嘅，始终我哋中国人都系啱嘅，今日试吓呢个台式小食，也是顶呱呱。某次系间台式小店食咗个"台式蒜烧香肠"，先至觉得蒜片同香肠系甘夹，你如果叫我就咁食蒜片，打死我我都唔食，但夹埋香肠，两样嘢嘅中和作用就变成一道可口美食👍，因此今日台面就有呢味小食；今日的重点系“冰镇咕噜肉”，我记得嘅咕噜肉通常会有返啲菠萝做配菜，但系呢度仲有士多啤梨伴碟，咁成个颜色搭配就好靓喇，而且仲做咗啲烟雾后果，好仙气飘飘的感觉，未食已经兴奋，食落肉质真系好松化，系吃过的最好味咕噜肉之一。另外的“油盐水浸蚬”和“猪油渣炒时菜”亦都好好食吖。