咖吔

营业中

休息中

仲记得好耐之前黎过呢一间北角汇咖吔食新加坡菜，之后每次经过都见到好多人。今晚收工之后又黎食返餐。主餐牌有新加坡出名菜式，肉类，海鲜，轻食，小食，沙律，蔬菜，饭面，甜品，啤酒，饮品等等。海南鸡饭拼喇沙米线 $116 另加一我钟意呢度有组合可以一个餐试两种新加坡特色主食。喇沙米线系幼白色，好滑，个汤底好香椰汁同咖哩味，味道调得好，好惹味。配料有半片去壳虾，鱼蛋条几条幼条，洋葱丝，爽口芽菜，吸汤豆腐卜同半只糖心蛋，份量都几啱。海南鸡有十几件，有鸡脾，鸡胸同鸡翼，今次鸡胸肉比较多，不过都唔太韧。点甜豉油最好食，另外仲有辣酱同姜蓉。配3片爽口青瓜。油饭好香，暖暖地上枱，都大大碗。参峇酱烧猪颈肉 $85 另加一参峇酱烧猪颈肉一客8片，切割好有心思，烧得脆脆地而肉质爽口，好味道。伴有青瓜粒，洋葱丝同半粒车厘茄可解腻。个参峇酱少少辣，好惹味。马拉盏炒通菜 $72 另加一马拉盏炒通菜热辣辣上枱，味道较得好，超惹味，加上好多蒜蓉，通菜都好嫩。又健康又美味既一道素菜。上菜快捷，座位都舒适，价钱都可以呀。