辛味屋

营业中

休息中

睇完NBA决赛, 见到CURRY 顺利帮勇士拎到冠军, 咁当然要去食下CURRY 庆祝下。路过荃湾荃新天地, 见到呢间又有咖哩又有拉面既餐厅, 点都要试下既。有个69蚊既LUNCH SET, 一款拉面+一款小食, 谂住都几抵下, 就叫左个咖哩饭+猪软骨拉面, 再加5蚊叫杯奶茶。首先上既系咖哩饭(好合理, 就咁装D饭再林D咖哩汁) 味道还算不错, 咖哩唔算辣, 不过都有咖哩味, 我会比中上既分数。食完个饭, 拉面就上啦, 先饮啖汤试下先, 哗哗哗!!不得了, 劲咸, 且味精极重, 理解可能汤底唔够入味, 但落太多味精都真系唔太好。而猪软骨亦非常一般, 严格黎讲可以用难食黎形容, 面既质地都好硬, 可能系我唔太钟意食太硬既面所致。总体而言很一般, 相信我都唔会再帮衬(就算再食都可能只食咖哩算了)。不过环境都可以, 坐得都舒服, 而服务亦都唔错。但因为食品水平, 所以我都唔推介了。