真妮 (已結業)

今日去咗宝琳行街，上次试过一次真妮觉得几好食，今次再试多次，两个人，黎一个咖喱之夜，首先嚟咗一个咖喱蛋包饭配吉列猪扒，吉列猪扒炸到脆卜卜，入面又唔会嚡柴柴，非常好食。另一个欣赏嘅地方就系够多咖喱汁，食饭最钟意就系捞匀晒所有汁，唔惊太干。另外，咖喱鸡pizza系一个亮点，原本听个名觉得好奇怪，想像唔到咖喱鸡同Pizza点配，点知食落口又出奇地好食，唔会太辣，非常之夹，而且佢系即叫即做，饼底非常之香脆。个人觉得咖喱鸡Pizza系必食之选。另外再叫咗两个小食，明太子鸡翼同埋自家炸鸡，两个小食都非常之香脆可口。嘢饮方面，叫左青柠热情果梳打同埋士多啤梨益力多，青柠热情果嘅味道，刚刚好，而士多啤梨益力多既益力多味唔会抢咗果汁嘅味道，可以一试。