影片
更多
2024-02-22
1594 浏览
因为自己唔食辣，所以好少食泰国菜同韩国菜，墨西哥菜更加念都唔洗念! 所以哩间来泰巷开业咁多年都从未帮衬过，而楼下四周围嘅餐厅已经食匀哂，唔好食嘅当然唔会帮衬，好食嘅又食到厌，于是唯一一间未帮衬过嘅餐厅，今次就推门入去帮衬.另外女友小熊见佢推介嘅咖哩软壳蟹卖相好吸引，一早已经想食，所以必点!另外点咗海南鸡半只，鸡肉猪肉沙嗲串，泰式薄饼，油饭，泰式奶茶受椰汁冰.软壳蟹内脆外软份量足无偷工减料，最欣赏系果D咖哩汁，正确应该叫咖哩酱，虽然有D辣 (小熊话唔辣啰!) 但味道浓郁质感又够，所以叫咗泰式薄饼嚟点咖哩汁，一流! 推介!食哩份泰式薄饼，令我念起湾仔三六九上海餐厅果份把鬼葱油饼! 又贵又少又难食，来泰巷嘅薄饼好得多! 份量又多过佢，口感又够松软，价钱仲要平成20蚊! 用薄饼点咖哩汁，当然亦都用嚟捞油饭食啦! 油饭本身带少少黄彊味，唔强烈，再点咖哩汁就更惹味.浓郁嘅唔单只咖哩汁，椰汁同泰式奶茶都超浓郁，系我饮过最浓郁嘅椰汁，饮品有惊喜.海南鸡嫩滑，连最易柴口嘅鸡胸都好嫩口，咁先对得住只鸡㗎嘛! 餐厅提供嘅酱汁酸中带辣 (小熊又话唔辣啰!) 唔系唔好味，如果酱汁带甜更夹自己口味，最好紧系提供我
另外女友小熊见佢推介嘅咖哩软壳蟹卖相好吸引，一早已经想食，所以必点!
另外点咗海南鸡半只，鸡肉猪肉沙嗲串，泰式薄饼，油饭，泰式奶茶受椰汁冰.
软壳蟹内脆外软份量足无偷工减料，最欣赏系果D咖哩汁，正确应该叫咖哩酱，虽然有D辣 (小熊话唔辣啰!) 但味道浓郁质感又够，所以叫咗泰式薄饼嚟点咖哩汁，一流! 推介!
食哩份泰式薄饼，令我念起湾仔三六九上海餐厅果份把鬼葱油饼! 又贵又少又难食，来泰巷嘅薄饼好得多! 份量又多过佢，口感又够松软，价钱仲要平成20蚊!
用薄饼点咖哩汁，当然亦都用嚟捞油饭食啦! 油饭本身带少少黄彊味，唔强烈，再点咖哩汁就更惹味.
浓郁嘅唔单只咖哩汁，椰汁同泰式奶茶都超浓郁，系我饮过最浓郁嘅椰汁，饮品有惊喜.
海南鸡嫩滑，连最易柴口嘅鸡胸都好嫩口，咁先对得住只鸡㗎嘛! 餐厅提供嘅酱汁酸中带辣 (小熊又话唔辣啰!) 唔系唔好味，如果酱汁带甜更夹自己口味，最好紧系提供我大爱嘅葱油啦!
沙嗲串有得有失，失分系无牛肉提供，而鸡肉烧得干身少少，猪肉比鸡肉好味.
沙嗲汁就一流喇! 女友小熊话，哩种味就系儿时香港味道! 以前扫街时，戏院门外D小贩卖嘅串烧就系哩种沙嗲汁! 味道一模一样! 辣味少而甜味中有少少花生粒，估唔到今次嚟来泰巷食沙嗲会有回忆感!
原来女友小熊咁坏㗎! 细细个𨅬街扫街! 我儿时放学就归家温书唔沟囡好乖㗎!
小熊好曳啰!
张贴
