影片
更多
2023-07-02
1242 浏览
平日lunch hour黎到，真系超多人排，等左差唔多半个钟先入到~ 餐厅上菜速度够晒快，店员意外地友善 (见我地拎住好多野，主动比多张凳我地摆野)。重点系食物质素相当唔错，够晒大份，难怪价钱比坊间嘅贵少少都咁多人排队！堂食设最低消费，所以都好难两个人share一碟。细食嘅大家建议带定外卖盒，或者外卖 (好似份量减半 价钱同时平差唔多一半)▪️咖喱猪扒饭 $94全场十个有八个都系嗌呢个招牌猪扒饭！猪扒好大块，表面炸到金黄色好靓仔！炸皮够晒薄，香脆唔刮口，唔会好油腻。肉质软腍唔干，近骨位仲有啲肥膏。另上嘅咖喱汁几岀色㖞！虽然𢳂落偏水，但入口香浓唔稀，微辣惹味，唔会太咸，捞饭一流！啲汁多到包保够捞饭▪️干炒牛河 $86干炒牛河几有镬气！河粉唔会黐埋一饼，每一条都均匀上色有光泽，滑身烟韧。牛肉大大块，软腍唔韧有咬口，有肉味，份量仲几多添。配料嘅芽菜都炒得几爽口！唯独上枱个下无热气腾腾岀烟咁，似摆左一阵
堂食设最低消费，所以都好难两个人share一碟。细食嘅大家建议带定外卖盒，或者外卖 (好似份量减半 价钱同时平差唔多一半)
▪️咖喱猪扒饭 $94
全场十个有八个都系嗌呢个招牌猪扒饭！
猪扒好大块，表面炸到金黄色好靓仔！炸皮够晒薄，香脆唔刮口，唔会好油腻。肉质软腍唔干，近骨位仲有啲肥膏。另上嘅咖喱汁几岀色㖞！虽然𢳂落偏水，但入口香浓唔稀，微辣惹味，唔会太咸，捞饭一流！啲汁多到包保够捞饭
▪️干炒牛河 $86
干炒牛河几有镬气！河粉唔会黐埋一饼，每一条都均匀上色有光泽，滑身烟韧。
牛肉大大块，软腍唔韧有咬口，有肉味，份量仲几多添。配料嘅芽菜都炒得几爽口！唯独上枱个下无热气腾腾岀烟咁，似摆左一阵张贴
