玉子造屋 (已結業)

今日同老公去完将中探BB, 见商场停车场泊车好抵 ，电子消费100蚊已经可以free一个钟，咁我哋就决定喺呢度食埋饭先走。玉子造屋系商场地舖， 一望入去好光猛，而且有唔少捧场客，所以就决定食呢间。套餐嘅价钱 都系一百蚊左右， 虽然要加一， 但晚餐黎讲都好抵。叫咗两个set ( 加$25包沙律味噌汤及饮品)，玉子咖哩吉列猪扒饭；卡邦尼温泉蛋意粉； 两个小食七味炸鸡翼, 芥末八爪鱼。小食先上，芥末八爪鱼， 呢个系我每次叫军舰寿司都必食，今次单叫，份量十足，味道同寿司店食的一样。七味炸鸡翼， 鸡翼大只，外皮酥脆， 肉质柔嫩。卡邦尼温泉蛋意粉，按我们要求之后将温泉蛋分开上， 唔会太多汁太漏， 份量颇大。玉子咖哩吉列猪扒饭， 之前有见open rice 介绍，蛋是采用日本嘅无菌蛋，半熟玉子做出旋风形状， 加了牛油，蛋皮薄身香滑。 厚切炸猪扒， 配日式咖哩汁， 很开胃。饮品方面我哋另加15蚊换特饮，一杯热情果水果茶，一杯芒果水果茶走时见唔少人点外卖， 可见其受欢迎程度。