金坊泰國美食

营业中

休息中

今晚同家人来食晚饭，好耐无食泰国菜，所以拣左早前好人气的餐厅，闲日唔算多人，所以不用等位，直接入座。餐厅布置都有泰国风格，有泰王相，亦有佛像装饰。不过最吸引都系食物及价钱，性价比高。串烧（猪、牛、鸡）半打 $983款肉各两串，烧得香口带烧烤香，配埋花生味浓郁的沙嗲酱，好浓香惹味。猪肉扎实有咬口，用较腍的部位，无肥肉位，边位烧至香脆，味道好有泰式风味。鸡肉有弹性，肉嫩多汁，有阵阵烤鸡香。牛肉较硬身，整串拎来食，别有风味。牛肉亦很夹沙嗲酱的微甜带咸，更显牛肉味。咖哩炒软壳蟹 $168份量足够，4人分享刚好，软壳蟹都好大只，炸至金黄色，香脆惹味，蟹肉饱满鲜甜，真材实料啖啖肉，配咖哩味道更丰富。咖哩好香唔会好辣，配料丰富，有青红椒、洋葱……增加爽脆咬口，咖哩也很夹饭或蒜蓉包/法包。蒜蓉包条 $50特别为咖哩点左蒜蓉包，好香牛油同蒜味，外脆内松软，沾到好多咖哩汁，咸度刚好。味道浓郁惹味，咖哩好香且唔辣，非常美味易入口。蓝妹（大）$19星期一至四有半价，都几抵，够冻够清爽。食串烧同咖哩必饮啤酒。最后餐厅送泰式奶茶糕，每人两件，奶茶味突出，香浓甜美好滑弹，食完唔腻，呢个味道几创新。