阿來泰式地道風味

营业中

休息中

今晚食泰国菜，餐厅位于旺角，地点都几方便。点了泰式小食拼盘，飞天炒通菜，泰式奶茶，咖哩炒蚬，后加蒜蓉包。泰式小食拼盘，好丰富，有炸虾饼，炸鱼饼，春卷及鸡翼。虾饼大大件够脆口，啖落啖啖虾肉，真材实料，口感弹牙。鱼饼食落口感较淋，有香料同冬荫功味。春卷咬落满满馅料，有粉丝萝卜丝等等，口感够脆够香口。炸鸡翼热辣辣都几好食。飞天炒通菜，都几大碟，见到配料都几多蒜蓉辣椒，食落有少少辣，整体炒得好惹味，同通菜好夹。泰式奶茶，茶味够浓味，不错～泰皇咖哩炒蚬，蚬肉每只都大大粒，好饱满，配咖喱汁食够惹味。咖哩汁非常出色，微辣，用蛋白令个汁较杰身！由于个汁太好食，唔想浪费个汁，加多碟蒜蓉包点埋！蒜蓉包真系好挂汁，推介！另外想赞一赞呢度服务都几好，主动拎碟俾我地放蚬壳，够细心。