魚蛋哥

营业中

休息中

一入去已經有位，唔洗等。始終係鬧市，環境相對地都比較嘈。到落單個陣，我地填咗張車仔麵紙，仲想另外叫啲野食。阿姐一野拎咗張紙就想走咗去😂無理我地仲要唔要其他野，要叫佢返返黎。見到另一個人（類似老闆娘）打單。整體服務個feel伏伏地，所以我地之後有即刻對單，真係落漏咗個野飲（本身用紙仔剔咗一個凍咖啡一個熱豆漿）。但算啦，都係一陣出去叫其他野飲算。蠔皇冬菇清甜蘿蔔咖哩汁河粉 $31食物黎到都中規中矩。河粉係我想食個種，又軟又薄。蘿蔔唔苦但亦唔甜，普通烚熟咗咁。冬菇幾有味，係由乾冬菇浸發出黎醃過。個咖哩汁都惹味，湯底溝稀咗就唔算好濃。無其他咩韭菜芽菜嘅配菜。總括黎講清清地。皇牌咖喱魚蛋6粒 $10 + 混醬腸粉8條 $32咖喱魚蛋確係好食，彈牙有咬口。重點個汁夠入味，少少辣但唔太食辣嘅人都覺得食得到。混醬腸粉啲醬非常足夠滑捋捋叫車仔麵可半價叫野飲 凍香濃咖啡 $9呢杯夠凍，但對我黎講太甜啦呢間野嘅賣點就係比較抵，地點算方便，朗豪坊後面過條馬路就係。