老爺冰室 (已結業)

下午茶时间帮衬咗呢间茶餐厅，因为唔系好肚饿，见个餐牌写住「食神汤面」咁爸闭，于是叫咗叉烧煎蛋汤通粉配合桃莎莉蛋糕，野饮就要咗热咖啡。杯咖啡真系好好饮，有惊喜，香浓做到恰到好处，难得茶餐厅都做到咁嘅水准，真心掂。个叉烧煎蛋汤通粉嘅煎蛋竟然系煎到脆边，唔知系佢一向都咁高水准定系我好彩呢？下次帮衬再试试先。合桃莎莉蛋糕都几过瘾，真系好耐无食过莎莉蛋糕，呢度竟有得跟餐。佢呢度薄薄地切两片，不过我个人觉得厚切咬落去会开心啲。