Sole Coffee (已結業)

烟三文鱼牛油果墨西哥卷🌯墨西哥卷馅料十足，沙律菜同蕃茄清新爽脆，牛油果蓉幼滑，烟三文鱼就带咸味同油香，有多重口感，味道亦都非常丰富之，好食！ 日式蟹膏松叶蟹肉忌廉意大利面🍝依个意粉之前系落蟹肉丝，今日改咗用整条蟹棒，落单嘅时候店员有解释清楚，虽然我冇食过之前嘅版本，但系用咗原条蟹肉食落去非常实在又有鲜味，都系一个几好嘅改变👍忌廉汁份量稠度都适中，唔会话太多或者太少酱，意粉软硬度同样适中，虽然餐牌嘅主食种类唔多，但系食咗依几样都系有心细有水准之作😋黑松露薯条🍟依度系用粗薯条，真真正正做到外脆内软，除咗可以点黑松露酱，薯条都洒上黑松露粉，而且薯条份量激多，好啱嗌嚟同friend share~Cappuccino☕️Latte☕️ 咖啡卖相相当唔错，cappuccino厚厚嘅泡沫感，latte就系细滑泡沫，两者嘅分别明显