牡丹咖啡

营业中

休息中

寻日同姊妹揾地方hea，黎左呢间小店。佢既招牌咖啡系少数我呢位好少饮咖啡既姊妹会饮同推介既咖啡。我叫左杯热既招牌咖啡，姊妹叫左冻既。其实冻热都好香好饮，不过我呢啲中女，已经习惯咗饮热野养生🤣同埋本身都觉得咖啡真系热既特别香。另外见呢度个menu除咗好多唔同既咖啡拣之外，重有好多款式既蛋糕，三文字，飞碟，小食，甚至意粉选择。小店真系只得几个坐位，完全想像唔到个menu可以有咁多野，佩服。最后拣左件瑞士朱古力脆沙，姊妹就照旧食返佢个野菌批。野菌批我试左一啖，味道几好批皮几香，不过就算唔上惊喜。我件脆沙个样好homemade(事实上呢度啲野就系好homemade😂) 好浓朱古力味，中间重有粒粒脆脆既口感，成件事就无咁腻。呢度虽然细，但呢啲街坊小店feel真系买少见少，而且呢度做嘢𠮶位姐姐重好有礼貌，令人感觉好好，Weekday既下午两姊妹来饮杯咖啡倾阵计，系几舒服既。