La Station (已結業)

见完牙医前，去解决困扰多日嘅口痛，先揾地方食嘢，呢期都系揾咖啡店，湾仔特别多咖啡店！呢间近牙医，去到黑红招牌形格，入内店面比较窄，以车站为主题，有车站班次牌做餐牌，波波灯，同路线图！一样红黑为主色！因为第一次帮衬，唔知规矩，柜台店员有外国人有中国人，揾个友善嘅女店员问，佢告知我先拣面包同咖啡，最后比钱！本来想拣一个有吞拿鱼沙律嘅牛角包，𠮶位男店员无拒绝，点知另一位外藉女店员告知佢早餐唔可以拣𠮶款，我问佢可以拣嘅款式，其中只有一款普通牛角包可以食到（口痛）拣好晒我要求咖啡用外卖杯！就在店员收银位置坐低！Cappuccino：黑色外卖杯唔辣手，咖啡奶泡挺身！热咖啡够热，咖啡味香！咖啡唔落糖都好易入口！微甘顺口！好味牛角包：有翻热，木板上菜形格，牛角包酥脆，外脆内软！好味！食物同咖啡都唔错，柜台内店员有礼！有一个外藉男店员（疑似老板）在店内好紧张四围抹，又指示店员做嘢，态度好焦躁！不过只限对店员，我走时讲再见佢都有出声！态度正常！可能对店务比较紧张咗！咖啡小站！