咖啡空間

营业中

休息中

我比较钟意去小众嘅咖啡店，因为唔想同人迫，又唔想俾人限住食嘢同叹咖啡嘅时间，依度仲系可以带小宠物去嘅添，虽然我冇小宠物，但系我都几享受系依间店坐下。佢唔系装修好靓嘅店舖，但系佢嘅咖啡就绝对值得你试吓，我叫咗一杯手冲咖啡，亦都叫咗一杯Dirty，因为我系下午茶时间去，所以佢嘅咖啡系减二十蚊就可以叫，如果平时一杯再冲咖啡要成$65 ，我就唔系几舍得饮啦。叫咗一碗叻沙，一件桂花慕丝蛋糕，再配两个嘢饮，加埋都系$160 ，好适合做下午茶，坐喺度几个钟。重点推介佢嘅咖啡，店员话有苹果味，虽然我真系唔系几饮到都有苹果味，但系以我成日去咖啡店打卡嘅经验，佢嘅咖啡绝对入口好香，味道都好浓，唔太酸。至于另外杯Dirty，好岩配蛋糕，佢嘅桂花蛋糕我觉得好特别，因为出面冇食过咁嘅配搭，桂花糕加芝士蛋糕，味道非常之清新，配埋dirty，成件事升华晒。