影片
更多
2017-05-19
888 浏览
依一间咖啡小店喺朋友嘅极力推荐，问其原因，就话店主冲调咖啡好用心，唔似啲大型连锁咖啡店嚟嚟去去都喺得几款，而且，小店位处旺中带静嘅内街，气氛更显悠闲。所以，专登揾埋识叹咖啡嘅亲友过嚟聚一聚，顺道恭喜佢接到份「笋嘢」短期项目。小弟一向低调，估唔到Cafe Revol同我一样，中灰嘅门面唔多显眼，真喺行过都唔知。踏进餐厅，水泥墙身、水泥地，木系枱櫈，一派工业风风格，配合暖和嘅灯光，近门口处又设置一张共用大枱，简朴嘅设计，又喺文青聚脚好去处。此外，作为一家咖啡小店，咖啡嘅相关产品自然唔少得，亦有自家品牌嘅咖啡豆出售。仲有就喺一啲咖啡、茶叶嘅小摆设。小弟就特别钟意依一张咖啡「比例图」，有时被人问起意大利泡沫咖啡、鲜奶咖啡、玛琪朶……点分，呢张图就俾大家有少少概念。餐厅采半自助形式，晌出面柜位落单，再由店员送上食物。翻一翻餐牌，页首有餐厅嘅自我介绍，我几喜欢当中嘅一句：「咖啡是一门艺术，而且是每一个人每天都可以接触到的艺术」。其实，饮食本身就已有喺一种艺术！再细心睇睇餐牌，咖啡肯定喺主打，因为足有3页喺咖啡饮品：特色咖啡、香味咖啡、特调咖啡、手工咖啡、花香特调……等等，此外，仲有非咖啡奶花、花茶
小弟一向低调，估唔到Cafe Revol同我一样，中灰嘅门面唔多显眼，真喺行过都唔知。踏进餐厅，水泥墙身、水泥地，木系枱櫈，一派工业风风格，配合暖和嘅灯光，近门口处又设置一张共用大枱，简朴嘅设计，又喺文青聚脚好去处。
此外，作为一家咖啡小店，咖啡嘅相关产品自然唔少得，亦有自家品牌嘅咖啡豆出售。仲有就喺一啲咖啡、茶叶嘅小摆设。
小弟就特别钟意依一张咖啡「比例图」，有时被人问起意大利泡沫咖啡、鲜奶咖啡、玛琪朶……点分，呢张图就俾大家有少少概念。
餐厅采半自助形式，晌出面柜位落单，再由店员送上食物。翻一翻餐牌，页首有餐厅嘅自我介绍，我几喜欢当中嘅一句：「咖啡是一门艺术，而且是每一个人每天都可以接触到的艺术」。其实，饮食本身就已有喺一种艺术！
再细心睇睇餐牌，咖啡肯定喺主打，因为足有3页喺咖啡饮品：特色咖啡、香味咖啡、特调咖啡、手工咖啡、花香特调……等等，此外，仲有非咖啡奶花、花茶、梳打、冰雪类饮品；
食物方面，以轻食为主，如各款全日早餐、三文治、特色多士、小食、沙律，仲提供数款意粉作为主菜，所以，嚟食嘢作为正餐都无问题。
晌餐牌无写甜品嘅类别，但收银旁嘅冻柜见摆放松饼、蛋糕，喺店内可供选择嘅甜点。
虽然，落单后有侍应将食物送上，但清水、餐具、餐纸、调味料就要自己动手拎，全自助，不过，嚟得依类小店，服务自助喺绝唔介意。况且，餐厅唔收加一服务费，就更应该自己动吓手脚。
黑松露杂菌意粉 $80估唔到小店做出嚟嘅意粉不俗，意粉煮得咬口啱啱好，又挂满酱汁，酱汁充满松露幽香，加上不少鲜蘑菇片，确喺好食。何解话佢喺鲜蘑菇片？因为罐头货会又细片又湿又腍，但佢啲蘑菇片较大片，入口仲带少少爽身。伴上一大片蒜蓉包，让人满意嘅意粉菜式。
黑松露杂菌意粉
$80
24 浏览
1 赞好
0 留言
经典英式早餐 $118小弟都算食过唔少英式早餐，但就极少好似佢哋咁晌餐牌写到明有边款食材，包括烟三文鱼、德国香肠x3、烟肉扒、香煎双蛋、炒蘑菇、茄汁焗豆、德国酸菜、烤面包配忌廉芝士及沙菜。
写喺咁写，做出嚟又喺点呢？上枱时嘅「早餐」认真大份，堆到成只碟满一满，唔知佢喺咪预咗俾两个人食，样样食材都有两件，份量足之余，用料都不赖。较深印象喺其中一款香草猪肉肠，非常好食，肠衣脆口，带好浓香草味，而烟肉咸香不腻，炒蘑菇将啲鸡脾菇切到大大粒，唔会碎湿湿有爽口感，两大片黑麦包配忌廉芝士，唔喺配牛油普通料，黑麦包麦感强韧身有咬口，搽满忌廉芝士份外好食。虽然喺普通嘅西煎双蛋，但可以+$8配松露酱，但我哋已拣咗一客黑松露杂菌意粉，煎蛋就无加松露酱喇。
经典英式早餐
$118
18 浏览
1 赞好
0 留言
生姜鲜奶咖啡 $40朋友话佢啲咖啡够特别，所以，一于试杯较特色嘅生姜鲜奶咖啡，睇佢做成点！姜汁配鲜奶咖啡非第一次饮，晌尖沙咀嘅My Little Coffee都饮过一次（黑糖姜饼咖啡拿铁），所谓姜饼元素就喺加入姜汁，今次杯生姜鲜奶咖啡明显喺「重姜」之作，未饮都已闻到，入口姜味确喺好突出，带少少涩，但亦算跟咖啡味嘅醇香平衡到，加上拉花细致，值得不妨一试。
晨曦 $41亲友拣嘅「晨曦」，喺鲜奶玛琪朶加入蜜糖嘅作品，亲友话玛琪朶部份冲得好细滑，口感均匀，最顶层嘅奶泡轻盈绵密，渗出蜜糖嘅清甜。
咖啡唔止喺一杯饮品，冲调咖啡亦喺一门艺术，更喺讲求毅力嘅事情，见到咖啡师、厨师都好年青，盼望佢哋晌不断磨练下做得更好，多谢朋友真喺无介绍错，让我哋悠悠闲享受咗一餐写意晚饭。
张贴
