Kubrick

营业中

休息中

曾经有段时间差唔多每个星期二都会去电影中心睇戏，散场后去埋楼下睇电影海报，再过隔离 Kubrick 睇书，最后食埋嘢，就系一整套嘅指定动作。上星期又嚟到呢度睇戏，当然要趁机会帮衬一下间 cafe。我拣嘅午餐系香草茄蓉西兰花烤鸡意粉，配忌廉蘑菇汤同咖啡。餐汤上枱时啲忌廉落到一挞挞，影响卖相，呷一口，唔算 creamy，磨菇味浓郁但有少少酸，感觉放得耐咗啲。主菜意粉完全符合商品说明条例，香草同茄蓉落得劲重手，基本上主宰成碟意粉嘅味道，钟意呢种口味嘅食客应该食得好满意，不过大前题系你要真系食得几酸下。至于烤鸡同西兰花，由于已变成大配角，我其实冇咩印象，只记得正常水准咁啰😂。反而杯咖啡系全个午餐嘅亮点，虽然细细杯，但系非常厚身，果香味浓郁，after taste 强劲，真心正。