咖啡呀唔該

营业中

休息中

我一直有听森美小仪电台节目，细细个就好钟意佢地。后来佢地加入左一啲新人一齐做节目，有讲到阿正本身系咖啡爱好者，亦都系入行之前有做过咖啡师。依家到佢真系开自己嘅咖啡店，感觉上真系恭喜佢，所以一定要帮衬下。 🍺Latte 做得好顺滑，放得耐都冇起泡，拉花pattern公整，唔花巧但分布平均。冇多余苦涩味，入口舒服。 🍺Dirty and wet, Expresso Tonic 加咸甘桔。记住要笃多几下甘桔，出到多d味，令味道更加丰富。 🍖 甘桔蛋卷，味道清新唔会太甜，海绵蛋糕柔软香甜，而且食得出质地新鲜，应该系即日制造。 ✨️全个店舖以橙色为主，简约舒服，墙上公仔虽然表情夸张，但系整齐排列。仍然俾人有清爽明亮嘅感觉。 以咖啡主打配合轻食。咁样嘅咖啡店，先可以俾到人有chill既感觉。