影片
更多
2018-11-14
1173 浏览
老友知我一向都喜欢叹吓咖啡，就极力推介一家咖啡店，更话餐厅攞唔少咖啡嘅奖项架，质素甚有保证，而且，佢哋嘅全日早餐都颇有名气。讲到咁好，唔试唔得啦，咁究竟喺边间咖啡店？原来喺佐敦嘅「Studio Caffeine」，老实讲，真喺未帮衬过㖞。店铺呈长形格局，铺位极之深，真喺晌门口睇唔出餐厅地方都几大。一室木地板配以深啡木餐枱，水泥墙又夹杂黑底白色手绘图画，胜在楼底高，空间感足，整体装修有个性。一边喺座位，一边就喺开放式厨房、饼柜，柜内放有唔少菜式嘅样办，有轻食，有甜品。晌收银处落单，转头就由店员把食物送上，但却无加一服务费，用HSBC签帐仲打个九折添。既然无加一服务费，有啲嘢就自动自觉啦，餐具放晌枱上自取，清水、调味料、糖包……等等，就喺晒出面专柜上。晌门口，已摆放咗一张巨型餐牌，可谓对餐厅供应嘅食物一目了然。不过全英文，种类繁多，当然坐低拎个餐牌慢慢睇。讲过佢嘅全日早餐喺人气，所以，你见个餐牌都做得精美别致。一共4款，更有一款喺全素添，定价都喺$78-$108，价钱OK㖞。此外，其他食物方面，就仲有三文治、沙律、百吉圈三文治、扁意粉、小食，以及冻柜内嘅甜点。既然店名叫得「Caffeine
店铺呈长形格局，铺位极之深，真喺晌门口睇唔出餐厅地方都几大。一室木地板配以深啡木餐枱，水泥墙又夹杂黑底白色手绘图画，胜在楼底高，空间感足，整体装修有个性。
一边喺座位，一边就喺开放式厨房、饼柜，柜内放有唔少菜式嘅样办，有轻食，有甜品。晌收银处落单，转头就由店员把食物送上，但却无加一服务费，用HSBC签帐仲打个九折添。
既然无加一服务费，有啲嘢就自动自觉啦，餐具放晌枱上自取，清水、调味料、糖包……等等，就喺晒出面专柜上。
晌门口，已摆放咗一张巨型餐牌，可谓对餐厅供应嘅食物一目了然。不过全英文，种类繁多，当然坐低拎个餐牌慢慢睇。
讲过佢嘅全日早餐喺人气，所以，你见个餐牌都做得精美别致。一共4款，更有一款喺全素添，定价都喺$78-$108，价钱OK㖞。
此外，其他食物方面，就仲有三文治、沙律、百吉圈三文治、扁意粉、小食，以及冻柜内嘅甜点。
既然店名叫得「Caffeine」，咖啡就喺另一亮点。如果想深度欣赏啲咖啡，当然建议试试啲单品咖啡啦，更可拣手冲或虹吸。不过，小奶就喜欢加奶嘅出品，所以，一系列鲜奶咖啡啱我多啲，仲有啲特色酒咖啡，单喺咖啡已选择多多。
咁唔饮咖啡点算，放心，其他种类嘅饮品亦唔少，好似朱古力、特色西茶、中国茶、果蓉冰摇茶、果汁都有供应，甚至手工啤都有。
上文话过佢哋攞唔少奖，唔喺大只讲，墙上摆满一堆奖状、奖杯架。
A.C.E Salmon Bagel Sandwich $98名为「A.C.E」可能你唔知喺乜，睇埋餐牌所列嘅成份，就知代表紧牛油果、忌廉芝士、鸡蛋几款食材，再加埋挪威烟三文鱼、火箭菜，成份百吉圈极之坠手，份量十足，事后证明，食完又确喺几饱肚。百吉圈喺种好个性嘅面包，比较韧身，有嚼劲，整体味道上好就好食，尤其牛油果、忌廉芝士、炒鸡都喺心水食物，不过，个包就有点偏干同硬，原先想切开影影直切面已经唔成功，食嘅时间一咬啲馅晌包边唧晒出嚟，食到小弟一手都喺牛油果、炒蛋。
超级全日早餐 $108朋友就要咗一份全日早餐，非常之大份，朋友话睇见都好开心，梗喺啦，一碟有齐烟肉、纽伦堡肠、烟熏牛肉、烟三文鱼、茄汁豆、炒蛋、沙律菜、车厘茄、新鲜水果、大蘑菇、黑松露薯蓉、法式多士，实在阵容鼎盛啰。由于小弟无试，所以，只喺问番朋友觉得点，佢就话比预期好食，尤其伦堡肠、烟熏牛肉、炒蛋、大蘑菇、黑松露薯蓉呢几样，食材本身唔错，煎炒手势不俗。
超级全日早餐
$108
45 浏览
0 赞好
0 留言
细杯（7安士）、大杯（10安士）两者只喺相差$5，当然要大杯划算啲啦。咖啡以小木盘送上，甚有文青感，配只木匙就更正。而平常嘅拉花，唔喺心心，就喺树叶，但今次就有啲花巧嘢，竟然喺只马骝仔，线纹未算好细致，但都算神似，否则都估佢唔到啦。呷一啖先，口感均匀细腻，绝对喺因为冲调嘅手势恰到好处，奶泡撞落浓缩咖啡度冲出嚟嘅口感平衡，更带出咖啡嘅醇香。
烤榛子鲜奶咖啡
$45
18 浏览
0 赞好
0 留言
友人都甚好咖啡架，不过，一到夜晚就唔敢饮太多，所以，就拣咗朱古力鲜奶咖啡。而佢杯公仔喺只兔仔，又OK㖞，友人分享话杯朱古力鲜奶咖啡几好，朱古力味、咖啡味两者都做到颇为平均，唔会太侧重某一边。
用餐期间，都见原来有唔少熟客嚟帮衬，更加喺专登嚟试佢哋嘅精品咖啡，客人更同咖啡师有很多交流同互动，「Studio Caffeine」唔单止喺一间卖精品咖啡嘅咖啡店，更喺将精品咖啡嘅文化推广至大众。可惜，小弟限于见识，始终钟意鲜奶咖啡系，暂时都仲未懂得欣赏单品咖啡。
张贴
